ගාල්ල ධීවර වරායේ ධීවරයන් ඇතුළු අනකුත් සේවකයන් සඳහා ගාල්ල මහ නගර සභා සෞඛ්‍ය අංශයේ මෙහෙයවීමෙන් අද (22) පීසීආර් පරීක්ෂණ පැවැත්විණි.

ඒ අනුව ගාල්ල ධීවර වරායේ සිටි 166 දෙනකුගේ ජෛව සාම්පල ලබාගැනීම සිදුකර තිබිණි. අද (22) උදෑසන ආරම්භ කළ මෙම කාර්යය අවසන් වන විට සවස 3.30 පමණ වූ බව සෞඛය වෛද්‍ය නිලධාරී කාර්යාලය පවසයි.

ධීවර වරායේ ධීවරයන්, ව්‍යාපාරිකයන් හා වීවිධ සේවා සපයන්නන්ගෙන් මෙලෙස පීසීආර් පරීක්ෂණ සඳහා ලබාගත් ජෛව සාම්පල කරාපිටිය ශික්ෂණ රෝහල වෙත යොමුකරන බව් එම ප්‍රතිඵල හෙට (23) ලැබෙනු ඇතැයි ද ගාල්ල නාගරික සෞඛ්‍ය වෛද්‍ය නිලධාරී කාර්යාලය පවසයි. 

මේ අතර ගාල්ල ධීවර වරායට පිට ප්‍රදේශවලින් මාළු ගෙනයාමට පැමිණි ලොරි කිසිවකට අද ඇතුළුවීමට අවසර ලැබී තිබුණේ නැත. එම ලොරි රථ අද උදෑසන ධීවර වරාය ඉදිරිපිට මාර්ගයේ දක්නට ලැබිණි. එලෙස පැමිණි ධීවරයන් පිරිසක් ද පීසීආර් පරීක්ෂණ සඳහා යොමු කළ බව ධීවර වරායේ ප්‍රකාශකයකු කීවේය.