අවිස්සාවේල්ල කෑගල්ල මාර්ගයේ ගලිගමුව බෝයගම ප්‍රදේශයට පස් කන්දක් කඩාවැටීම හේතුවෙන් මාර්ගය අවහිර වී ඇතැයි ජාතික ආපදා කළමනාකරණ ඒකකය පවසයි.
පොලිසිය පවසන්නේ පස් කන්ද කඩාවැටීම හේතුවෙන් මාර්ගය සම්පූර්ණයෙන් ම අවහිර වී ඇති බවයි. පවතින අධික වර්ෂාව හේතුවෙන් පස් ඉවත්කිරීම ද අසීරු වී ඇත.
මේ අතර ගලිගමුව යට්ටෝගොඩ හා අඹන්පිටිය අතර මහනුවර මාර්ගය ද ජලයෙන් යටවීම හේතුවෙන් එම ප්‍රදේශයේ ද දැඩි වාහන තදබදයක් හටගෙන තිබේ.
