ඔස්ට්රියාවේ කොරෝනා ව්යාප්ත වීම හේතුවෙන් සඳුදා (22) සිට රටපුරා අගුළු දැමීමක් ප්රකාශයට පත්කර තිබේ.
මෙය මෙම ශීත සෘතුවේ යුරෝපා සංගමයේ රටක් විසින් පනවන ලද පළමු සම්පූර්ණ අගුලු දැමීමයි.
ඔස්ට්රියානු චාන්සලර් ඇලෙක්සැන්ඩර් ෂැලන්බර්ග් පැවසුවේ එය උපරිම වශයෙන් දින 20 ක් පවතිනු ඇති බවයි. 2022 පෙබරවාරි 1 සිට එන්නත් කිරීමට නීතිමය අවශ්යතාවයක් වන බවට ද ප්රකාශකර ඇත.
“අපට පස්වන රැල්ලක් අවශ්ය නැහැ,” ෂැලන්බර්ග් මහතා ඔස්ට්රියාවේ පළාත් නවයේ ආණ්ඩුකාරවරුන් රටේ බටහිර ප්රදේශයේ නිවාඩු නිකේතනයක හමුවීමෙන් පසු පැවසීය.
කෙසේ වෙතත්, “බොහෝ දේශපාලන බලවේග, එන්නතට විරුද්ධවාදීන් සහ ව්යාජ ප්රවෘත්ති” නිසා බොහෝ පුද්ගලයින් එන්නත ලබා නොගන්නා ලෙසට පොළඹවා ඇති බව ද ඔහු පැවසීය.
මෙම පියවරයන් යටතේ, ඔස්ට්රියානුවන්ට නිවසේ සිට වැඩ කරන ලෙස ඉල්ලා සිටිනු ඇත, අත්යවශ්ය නොවන වෙළඳසැල් වසා දමනු ඇත.
තවත් බොහෝ යුරෝපීය රටවල රෝගීන් වැඩි වීම හේතුවෙන් සීමාවන් පනවා ඇත. නෙදර්ලන්තය, චෙක් රජය සහ ස්ලොවැක් රාජ්යය එලෙස සීමා පනවා තිබේ.
