කොරෝනා ආසාදනය වූ බවට තහවුරු කරගත් ගම්පහ නීතිඥයකුගේ ආශ්‍රිතයකු බවට හඳුනාගත් ගාල්ල වටරැක පදිංචි තැනැත්තාගේ පීසීආර් පරීක්ෂණය අනුව ඔහු කොරෝනා ආසාදිතයකු නොවන බව බෝපේ පෝද්දල සෞඛ්‍ය වෛද්‍ය නිලධාරී කාර්යාලය පවසයි.
මෙම තැනැත්තා ගාල්ල නගරයේ ව්‍යාපාරික ස්ථාන දෙකකට හා ආපන ශාලවකට ගොස් තිබූ බවට ලැබුණු තොරතුරු අනුව එම ස්ථාන ජීවානුහරණය කරන ලෙස සෞඛ්‍ය අංශ විසින් කලින් දැනුම් දී තිබිණි. සෞඛ්‍ය අංශ පවසන්නේ මෙම තැනැත්තාගේ පීසීආර් පරීක්ෂණය අනුව කොරෝනා ආසාදිතයකු නොවන බැවින් ගාල්ල නගරයේ ව්‍යාපාරික එම ව්‍යාපාරික ස්ථානවල සේවක සේවිකාවන් නිරෝධායනය වීමේ අවශ්‍යතාවක් නොමැති බවයි. එබැවින් එම ව්‍යාපාරික ස්ථානවලට පොදුවේ නිකුත්කර ඇති සෞඛ්‍ය ආරක්ෂිත ක්‍රමෝපායයන් අනුගමනය කරමින් කටයුතු කරන්න යැයි උපදෙස් ලබා දී ඇත.
