ශ්‍රී ලංකාව සමඟ කර්මාන්ත ආශ්‍රිත හවුල් සමාගම් ආරම්භ කිරීමට පකිස්තාන ආයෝජකයන් කැමැත්තෙන් සිටින බව ශ්‍රී ලංකාවේ පකිස්ථාන මහ කොමසාරිස් විශ්‍රාමික මේජර් ජනරාල් මුහම්මඩ් සාද් කතක් මහතා පැවසීය.
ඔහු මේ බව කියා සිටියේ කර්මාන්ත අමාත්‍යාංශයේ දී කර්මාන්ත අමාත්‍ය විමල් වීරවංශ මහතා සමඟ සාකච්ඡාවකට එක්වෙමිනි.
පකිස්තාන ආයෝජකයන් පේෂකර්ම, සිමෙන්ති, සීනි හා ඖෂධ නිෂ්පාදනය වැනි කාර්මාන්ත ආශ්‍රිතව ආයෝජනය කිරීමට කැමැත්තෙන් සිටි ය ද ශ්‍රී ලංකාව සමග කටයුතු කිරීමේ දී ආයතනික හා නීතිමය බාධාවන් පවතින බැවින් එවැනි බාධාවන් ඉවත්කිරීමේ අවශ්‍යතාව පිළිබඳව ද මෙහි දී මහ කොමසාරිස්වරයා අමාත්‍ය විමල් වීරවංශ මහතා පැවසීය.
එහි දී අමාත්‍යවරයා කියා සිටියේ එවැනි බාධාවන් පැවැතී පිළිබඳව තමන් කණගාටුවන බවයි. එවැනි බාධා සඳහා විසඳුම් ලාදීමට රාජ්‍ය නිලධාරීන්ගෙන් සමන්විත ශ්‍රී ලංකා පකිස්තාන ද්විපාර්ශ්වික කමිටුවක් පිහිටුවීමට අමාත්‍ය මණ්ඩලය සමග සාකච්ඡා කරන බව ද අමාත්‍ය වීරවංශ මහතා කියා සිටියේය
මේ වනවිට දෙරට අතර වාර්ෂිකව ඩොලර් බිලියන 01ක ආනයන හා අපනයන වෙළෙඳාමක් සිදුකළ හැකිව තිබුණ ද සිදුවන්නේ ඩොලර් මිිලයන 450ත් 500ත් අතර වෙළෙඳාමක් පමණක් බවත් එය දෙරටටම වාසිදායක අගයක් දක්වා වැඩිකරගත හැකි බවත් මෙහි දී මහ කොමසාරිස්වරයා පෙන්වාදුන්නේය.
මෙම අවස්ථාවට පාකිස්ථාන මහ කොමසාරිස් කාර්යාලයේ දෙවන ලේකම් (දේශපාලන) අයේෂා අබු බකර් ෆහඞ්, වෙළඳ හා ආයෝජන අංශයේ ප්‍රධානී, අස්මා කාමල් යන මහත්මීහු සහ අමාත්‍ය උපදේශක සුනිල් හෙට්ටිආරච්චි, අමාත්‍ය සම්බන්ධිකරණ ලේකම්, ජාතික ව්‍යවසාය සංවර්ධන අධිකාරියේ සභාපති අනුෂ්ක ගුණසිංහ යන මහත්වරු ද එක්ව සිටියහ.
