කොරෝනා වසංගතය පැතිරීයාම වැළැක්වීම සඳහා සෞඛ්‍ය ආරක්ෂිත ක්‍රමවේද ක්‍රියාත්මක කර ඇති බැවින් නගර සභා ප්‍රධාන ගොඩනැගිල්ල ඉදිරිපිට ඇති “සපිරි පියස” කවුළුව වෙත පැමිණෙන ලෙසත් කොළඹ මහ නගර සභාවේ නාගරික කොමසාරිස්වරයා ජනතාවගෙන් ඉල්ලා සිටියි.
නාගරික කොමසාරිස්වරයා නිකුත්කළ නිවේදනයේ දැක්වෙන්නේ මහ නගර සභාවේ ප්‍රධාන ගොඩනැගිල්ලට ඇතුළුවීම ඔක්තෝබර් 31 වැනි දින දක්වා තාවකාලිකව නවතා ඇති බවයි. මේ අතර නගරයේ සනීපාරක්ෂක සේවාවන්, සෞඛ්‍ය සේවාවන් හා ගිනි ආරක්ෂිත සේවාවන් අඛණ්ඩව ක්‍රියාත්මක වන බව ද එම නිවේදනයේ සඳහන් කර ඇත.
වරිපනම් බදු සහ කුලී ගෙවීම් බැංකු කාර්යාල හරහා මෙන්ම අන්තර්ජාලය ඔස්සේ සිදුකළ හැකි බව නාගරික කොමසාරිස්වරිය පෙන්වාදෙයි.
කොළඹ මහනගර සභාවේ නිලධාරිනියකට කොරෝනා ආසාදනය විම හේතුවෙන් මෙම පියවර ගෙන ඇත. අද (16) කොළඹ මහ නගර සභාවේ නගරාධිපතිනි රෝසි සේනානායක මහතිය ඇතුළු නාගරික මන්තීවරු පීසීආර් පරීක්ෂණයකට ලක්වීමට නියමිතව ඇත.
නාගරික කොසමසාරිස්වරයාගේ නිවේදනය පහත දැක්වේ.
