කෑගල්ල මහ රෝහලේ නේවාසිකව ප්‍රතිකාර ලබමින් සිටි කොරෝනා ආසාදිත කාන්තාවක් සිය බිළිඳු දරුවා ද සමඟ රෝහලේන පැන ගොස් ඇතැයි පොලිසිය පවසයි.
මෙලෙස පැනගොස් ඇත්තේ ගලිගමුව පදිංචි 30 හැවිරිදි කාන්තාවකි.
අසනීප තත්ත්වයක් හේතුවෙන්න ප්‍රතිකාර ගැනීමට රෝහලට පැමිණි එම කාන්තාව මාස 06ක් වයසැති තම බිළිඳිය ද සමඟ රෝහලේ 02 වැනි වාට්ටුවේ නේවාසිකව සිට ඇත. එහි දී කරන ලද පීසිආර් පරීක්ෂණවලින් මෙම මවට හා දියණියට කොරෝනා ආසාදිත බව තහවුරු වී තිබේ.
ඉන් පසු ඇය තම දරුවා ද රැගෙන කිසිවෙකුට නොදන්වා පලා ගොස් ඇතැයි රෝහල් පාලන අධිකාරිය විසින් පොලිසියට දැනුම් දී තිබේ.
කෑගල්ල පොලිසිය සිද්ධිය සම්බන්ධ වැඩිදුර පරීක්ෂණ පවත්වයි.
