ගාල්ලේ පුද්ගලික රෝහලක මුළුතැන්ගේ සියලුම සේවකයන් කොරෝනා ආසාදිතයන් බව තහවුරු වී ඇතැයි සෞඛ්ය අංශ පවසයි.
මේ හේතුවෙන් මාතර ශාඛාවකින් සේවකයන් තිදෙනකු ගෙන්වා ඇති නමුත් ඔවුන් තිදෙනා ද කොරෝනා ආසාදිත වී ඇත. මේ හේතුවෙන් දැනට කොළඹ සේවකයන් යොදවා එම ආහාර සැකසීමේ කටයුතු සිදුකරන බව ද වාර්තා වෙයි.
එම පුද්ගලික රෝහලේ ආරංචිමාර්ග සඳහන් කරන්නේ කොරෝනා ආසාදිත වූ සියලු සේවකයන් නිවෙස්වලම ප්රතිකාර සඳහා යොමුකර ඇති බවයි.
මෙම රෝහලේ මුළුතැන්ගේ තුළ පිසින ආහාර රෝහලේ නේවාසිකව ප්රතිකාර ලබාගන්නා රෝගීන්ට ද ලබා දී ඇති අතර විශේෂඥ වෛද්යවරු ද එම මුළුතැන්ගේ ආහාර ලබාගැනීම සිදුවේ.
වෛද්යවරු පවසන්නේ රෝහල් පාලන අධිකාරිය විසින් මේ තත්වය පිළිබඳ තමන්ට දැනුම්දීමක් නොකළ බවයි. වෙනත් ආරංචිමාර්ගවලින් සොයා බැලූ විට මුළුතැන්ගේ කාර්ය මණ්ඩලය කොරෝනා ආසාදිත බව දැනගත් බව ද වෛද්යවරු කියති.
