චීනයේ කිංඩාවෝ නගරයේ ලක්ෂ 90ක පමණ ජනතාව දින 05ක් ඇතුලත කොවිඩ් – 19 සඳහා පරීක්ෂා කරන බව ඒරට සෞඛ්‍ය අංශ පවසයි. කොරෝනා වයිරස රෝගීන්ට ප්‍රථිකාර කරන රෝහලක් ආශ්‍රිතව කොරෝනා රෝගීන් 12දෙනකු පමණ සොයාගැනීමෙන් පසුව මෙම පියවර ගෙන තිබේ.
නව කොරෝනා වයිරස පොකුර සාපේක්ෂව සුළු ලෙස පෙනුනත් දැවැන්ත පරීක්ෂණ ක්‍රමෝපායක් අනුගමනය කිරීමට චීන බලධාරීන් පෙළඹී ඇති බව මාධ්‍ය පෙන්වා දෙයි. චීන ජාතික සෞඛ්‍ය කොමිසම පවසා සිටියේ දින පහක් ඇතුලත මුළු නගරයම පරීක්ෂා කරන බවයි. මේ වනවිටත් පුද්ගලයින් 114,862ක් පරීක්ෂා කර ඇති අතර ඔවුන් ආසාදිතයන් නොවන බවට තහවුරු වී ඇතැයි කිංඩාවෝ සෞඛ්‍ය කොමිසම පවසයි.
චීනයේ “ගෝල්ඩන් වීක්” ලෙස හැඳින්වෙන නිවාඩුවෙන් සතියකට පසු මෙම රෝගීන් වාර්තා වී තිබෙන අතර ඒම සතියේදී මිලියන ගනනක ජනතාවක් රටපුරා සංචාරය කළ බව සඳහන් විය.
චීනයේ බොහෝ දුරට වයිරසය පාලනය කර ඇති නමුත් සමහර පළාත් වලින් වරින් වර කුඩා ආසාදිත පොකුරු වාර්තා වෙයි. මේ වසර මුලදී කොවිඩ් රෝගීන් කිහිපදෙනකු වාර්තා වීම හේතුවෙන් දින 10ක් ඇතුලත වුහාන් නගරයේ මිලියන 11ක ජනතාව පරීක්ෂා කිරීමට චීන බලධාරීහු කටයුතු කළහ.
