නීත්යානුකූලව විවාහ වීම සඳහා වයස අවුරුදු 18 සම්පූර්ණ වී තිබිය යුතුයැයි යන නීතිය සංශෝධනය කර වයස අවුරුදු 16-18ත් අතර තැනැත්තන්ට විශේෂ අවස්ථාවක දී විවාහ වීමසට අවස්ථාව ලබාදීම කෙරෙහි අධිකරණ අමාත්යාංශයේ අවධානය යොමුව තිබේ.
වත්මන් රජය බලයට පත්වන විට පෙරොන්දු වූයේ මෙරට විවාහ නීතිය සංශෝධනය කරන බවයි. එමෙන්ම ඒ සඳහා උපදේශක කමිටුවක් පත්කළ බව ද අධිකරණ අමාත්ය අලි සබ්රි කියා සිටියේය.
වයස අවුරුදු 16 ට අඩු ගැහැනු දරුවකු ලිංගික ක්රියාවන් සඳහා යොදා ගැනීම අකමැත්තෙන් හෝ කැමැත්තෙන් සිදුවුව ද නීතිය හමුවේ ස්ත්රී දූෂණය නමැති වරදක් ලෙස දක්වා තිබිණි. එසේ වුව ද අවුරුදු 16 වැඩි නම් එම ආවරණය ලැබුණේ නැත. විවාහවීමේ සීමාව පැවතියේ වයස අවුරුදු 18 ට වැඩි විය යුතුය යනුවෙනි.
එම නීතිමය හිඩැස ආවරණය සඳහා පවතින නීතිය සංශෝධනය කිරීමට අවධානය යොමුව ඇති බව අධිකරණ අමාත්යංශයේ උපදේශක ජනාධිපති නීතීඥ යූ ආර් ද සිල්වා පවසයි.
හෙතෙම මෙසේ ද කීවේය.
18 ට අඩු 16ට වැඩි අයකු ලිංගික ක්රියාවක යෙදුණොත් විවාහ වීමට වයස අවුරුදු 18 සම්පූර්ණ විය යුතු සිටිය යුතු බැවින් මේ ගැන සළකා බලා දෙපාර්ශවයම කැමැත්තෙන් සිටින අවස්ථාවක දී ඒ ගැන සළකා බලා අපිට නීතිමය අවසරයක් දිය හැකි ද යන්න පිළිබඳ සාකච්ඡා කරබලා තීරණයක් ගන්නවා.
අධිකරණ අමාත්යාංශය පවසන්නේ මෙය බාල වයස්කාර විවාහ නීත්යානුකූල කිරීමක් නොව විශේෂ අවස්ථාවක දී ගැහැනු දරුවන් ආරක්ෂා කිරීමට ගන්නා පියවරක් බවයි.
