පානදුර මූලික රෝහලේ දැඩි සත්කාර ඒකකය තාවකාලිකව වසා දැමීමට සිදුව ඇතැයි රෝහල් අධ්‍යක්ෂ විශේෂඥ වෛද්‍ය ඉන්ද්‍රානි ගොඩකන්ද මත්මිය පවසයි.
එහි සේවය කළ හෙද සොයුරියකගේ දියණියකට කොරෝනා ආසාදනය වී ඇතැයි තහවුරුවීම හේතුවෙන් මෙම තීරණය ගෙන ඇත. දැඩි සත්කාර ඒකකයේ සේවය කළ වෛද්‍යවරු සහ කාර්ය මණ්ඩලයේ 10 දෙනකු පමණ ඒකකය තුළ ම ස්වයං නිරෝධායනය වීමට සළස්වා ඇති අතර පිටතට කිසිවෙකුට ඒකකට ඇතුළුවීමට ඉඩ නොදෙයි.
අධ්‍යක්ෂවරිය කියා සිටියේ නිරෝධායනයට ලක්කළ සියලු දෙනා මේ වනවිට පීසීආර් පරීක්ෂණයට ලක්කළ බවයි.
