මහ වැසි හේතුවෙන් කැලණි ගඟ, කළු ගඟ සහ අත්තනගළු ඔයේ ජල මට්ටම ඉහළ යාම හේතුවෙන් ඒ අවට ප්රදේශවල සුළු ගංවතුර තත්ත්වයක් ඇතිවිය හැකියැයි වාරිමාර්ග දෙපාර්තමේන්තුව පවසයි.
ගම්පහ, මිනුවන්ගොඩ, ජාඇල, කළුතර, මිල්ලනිය, හොරණ, ඉංගිරිය සහ මතුගම ප්රදේශවලට පහත්බිම්වල පදිංචිකරුවන්ට මේ හේතුවෙන් අවධානයෙන් සිිටින ලෙස ද දැනුම් දී තිබේ.
මේ අතර තවදුරටත් වැසි පැවතුණහොත් රත්නපුර, කළුතර, ගාල්ල, කොළඹ, නුවරඑළිය හා මාතලේ දිස්ත්රික්කවල නාය යාමේ අවධානමක් ඇති ප්රදේශවල ද නායයාම් සහ කඳු කඩාවැටීම් ඇතිවිය හැකි බැවින් එවැනි ස්ථානවලින් ද ඉවත්ව සිටින ලෙස ජාතික ගොඩනැගිලි පර්යේෂණ ආයතනය දැනුම් දී ඇත.
කාලගුණ විද්යා දෙපාර්තමේන්තුව පවසන්නේ දිවයිනේ නිරිතදිග කොටසේ ඉදිරි පැය කිහිපයේ දී තද වැසි අතිවීමට ඉඩ ඇති බවයි.
