මෙවර උසස් පෙළ විභාගයට පෙනී සිටීමට නියමිත පාසල් ශිෂ්‍යයකුට කොරෝනා ආසාදනය වී ඇතැයි පුත්තලම දිස්ත්‍රික් සෞඛ්‍ය වෛද්‍ය නිලධාරී කාර්යාලය පවසයි.
මෙම ශිෂ්‍යයා ආරච්චිකට්ටුවේ පදිංචිකරුවෙකි. ඔහුට කොරෝනා ආසාදනය වූයේ කෙසේ දැයි මෙතෙක් අනාවරණය වී නොමැත. මෙම සිසුවා පසුගිය දිනවල ගම්පහ නගරයේ පැවැත්වෙන උපකාරක පන්ති කිහිපයකට ම සහභාගී වූ බව ද අනාවරණය වී තිබේ.
හලාවත රෝහලට ඇතුලත් කර සිටි මෙම සිසුවාගේ පවුලේ සාමාජිකයන් හා ඔහු සමග සම්බන්ධතා පැවැත්වූ අසල්වාසීන් ද නිරෝධානයට ලක්කිරීමට සෞඛ්‍ය අංශ කටයුතු කර ඇත.
