වෙසක් දා රතු වූ පුන් සඳ ලොව පුරා ජනතාව දුටු අයුරු

වෙසක් පුර පසළොස්වක පොහොය යෙදී තිබුණු ඊයේ (26) දිනයේ සූර්යයා, පෘතිවිය හා චන්ද්‍රයා එකම රේඛාවක පිහිටීම හේතුවෙන් පූර්ණ චන්ද්‍රග්‍රහණයක් සිදුවිය. මෙවැනි චන්ද්‍රග්‍රහණවල දී චන්ද්‍රයා රතු පැහැයෙන් දිස්වන බැවින් එය හඳුන්වන්නේ Blood moon යනුවෙනි. නමුත් අප රටට දිස්වන්නට නියමිතව තිබුණේ ඡායා චන්ද්‍රග්‍රහණයක් පමණි.

අයහපත් කාලගුණික තත්ත්වය හේතුවෙන් එය ද නැරඹීමේ අවස්ථාව ශ්‍රී ලාංකිකයන්ට අහිමිවිය.

outlookindia.com වෙබ් අඩවිය එම චන්ද්‍රග්‍රහණයේ ඉතා අලංකාර ඡායාරූප කිහිපයක් ප්‍රකාශයට පත්කර තිබේ. ශ්‍රී ලාංකිකයන්ට දැකගත නොහැකි වූ එම චන්ද්‍රග්‍රහණයේ ඡායාරූප පහතින් දක්වා ඇත.

තායිවානයේ තායිපේහි වළාකුළු පිරි දිනයක් වුව ද පූර්ණ චන්ද්‍රග්‍රහණය සිදුවෙමින් තිබූ ආකාරය (AP ඡායාරූපය චියැං යින්-යින්)

පෘථිවියේ හෙවනැල්ල පතිතවූ චන්ද්‍රයා ඕස්ට්‍රේලියාවේ සිඩ්නි නුවරට ඉහළින් දිස්වූ ආකාරය (AP ඡායාරූපය මාර්ක් බේකර්)

නිවැසියන් පිරිසක් ඉන්දුනීසියාවේ බාලි හි සනූර් වෙරළට වී චන්ද්‍රග්‍රහණය නරඹති. (AP ඡායාරූපය ෆිර්ඩියා ලිස්නාවතී)

හොංකොං හි වික්ටෝරියා වරායට ඉහළින් නැග ආ චන්ද්‍රයා (AP ඡායාරූපය කිං චියුන්ග්)

බීජිංහි ඔලිම්පික් කුළුණට නැග චන්ද්‍රග්‍රහණය දෙස බලා සිටින පුද්ගලයන් (AP ඡායාරූපය එන්හැන් ගුවාන්)

09 වැනි සියවසේ දී ඉන්දුනීසියාවේ යෝගියාකාර්තා හි ඉදිකර ඇති ප්‍රම්බානන් දේවස්ථාය පසුබිමෙන් චන්ද්‍රයා නැගී එනවිට චන්ද්‍රග්‍රහණ්‍ය දිස්වන ආකාරය (AP ඡායාරූපය ස්ලමෙට් රියාඩි)