මිනුවන්ගොඩ පොලිසියේ ස්ථානාධිපතිවරයා ඇතුළු නිලධාරී නිලධාරිනියන් 85 දෙනකු පීසීආර් පරීක්ෂණයට යොමු කර පොලිස් ස්ථානය තාවකාලිකව වසා දැමූ බව පොලිස් මාද්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.
මේ වනවිට පොලිස් නිලධාරීන්ගේ පීසීආර් පරීක්ෂණ සිදුකරමින් පවතී. මිනුවන්ගොඩ පොලිස් ස්ථානයේ ආපනශාලාව පවත්වාගෙන ගිය පුද්ගලයා කොරෝනා ආසාදිතයකු වීම හේතුවෙන් මේ පියවර ගෙන ඇත. ඔහුගේ පුතකු බ්‍රැන්ඩික්ස් කර්මාන්තශාලාවේ සේවය කර කොරෝනා ආසාදනය වී සිට ඇත.
