මිනුවන්ගොඩ පොලිසියේ ආපනශාලාව පවත්වාගෙන ගිය පුද්ගලයා කොරෝනා ආසාදිතයකු බව තහවුරුවීමත් සමඟ පොලිසියේ නිලධාරීන් 150ක් පමණ පිරිස දැඩි අවධානමකට ලක්ව ඇතැයි ගම්පහ ජ්‍යෙෂ්ඨ පොලිස් නිලධාරියකු පැවසීය.
ආඬිඅම්බලම ප්‍රදේශයේ පදිංචිකරුවකු වූ මෙම ආපනශාලා පවත්වාගන ගිය පුද්ගලයාගේ පුතකු ඇඟළුම් ආයතනයේ සේවය කර කොරෝනා ආසාදනය වී ඇතැයි දැන සිටිය දී ද ඔහු ආපනශාලාවේ කටයුතු පවත්වාගෙන ගොස් ඇතැයි ද අනාවරණය වී ඇත.
මේ අනුව පොලිසියේ සියලු නිලධාරීන් පීසීආර් පරීක්ෂණවලට යොමු කිරීමට හෝ වෙනත් අවශ්‍ය පියවර කඩිනමින් ගැනීමට සිදුව ඇති බවත් හෙතෙම සඳහන් කළේය. බ්‍රැන්ඩික්ස් ආයතනයේ සේවක සේවිකාවන් සමඟ සම්බන්ධවූ පොලිස් නිලධාරීන්ගේ පීසීආර් පරීක්ෂණ සිදුකරන අතරතුර ආපනශාලාව පවත්වාගෙන ගිය පුද්ගලයා ද පරීක්ෂාවට ලක්කර තිබිණි.
මිනුවන්ගොඩ ප්‍රදේශයට ඇදිරිනීතිය බලැපැත්වෙන හෙයින් මිනුවන්ගොඩ පොලිසියේ නිලධාරීන් පමණක් නොව වෙනත් පොලිස් ස්ථානයන්හි නිලධාරීන් දමෙම ආපනශාලාවෙන් ආහාර රැගෙන ඇතැයි ද අනාවරණය වී ඇත.
