විසිවැනි ආණ්ඩුක්‍රම ව්‍යවස්ථා සංශෝධනය පිළිබඳ ආණ්ඩු පක්ෂයේ මැති ඇමැතිවරු දැනුම්වත් කිරීමේ විශේෂ රැස්වීමක් අගමැති මහින්ද රාජපක්ෂ මහතාගේ ප්‍රධානත්වයෙන් අරලියගහ මන්දිරයේ දී හෙට (09) සවස 3.30ට පැවැත්වේ.
අධ්‍යාපන අමාත්‍ය මහාචාර්ය ජී.එල්.පීරිස් සහ අධිකරණ අමාත්‍ය ජනාධිපති නීතිඥ අලි සබ්රි යන මහත්වරු මෙහි දී මැති ඇමැතිවරු දැනුම්වත් කිරීමට නියමිතය.
මෙම රැස්වීම කැඳවා ඇත්තේ තමන් විසිවැනි ආණ්ඩුක්‍රම ව්‍යවස්ථා සංශෝධනය සම්බන්ධයෙන් නිසි පරිදි දැනුම්වත් වී නැතැයි ආණ්ඩුපක්ෂයේ ඇතැම් මැති ඇමැතිවරුන් විසින් කරන ඉල්ලීමක් සැළකිල්ලට ගනිමිනි.
