මෙරට සිදුවූ කොරෝනා ආසාදිත මරණ සංඛ්‍යාව අද (03) 709ක් දක්වා ඉහළ ගිය බව සෞඛ්‍ය සේවා අධ්‍යක්ෂ ජනරාල්වරයා විසින් නිකුත් කරන ලද නිල ලේඛනයේ දක්වා ඇත. ඒ අද දිනයේ වාර්තා වූ කොරෝනා ආසාදිත මරණ 13ක් සමගිනි.
අද නිල වශයෙන් නිවේදනය කර ඇති මරණ පහත දැක්වෙයි.
- දිවුලපිටියේ පදිංචි 44 හැවිරදි කාන්තාවවක් කොරෝනා නිව්මෝනියාවෙන් අනුරාධපුර රෝහලේ දී මියගොස් ඇත.
- ජාඇල පදිංචි 70 හැවිරිදි කාන්තාවක් කොළඹ පුද්ගලික රෝහලක දී අධි රුධිර පීඩනය හා උග්‍ර වූ කොරෝනා නිව්මෝනියාව හේතුවෙන් මියගොස් ඇත.
- මාවිල්මඩ පදිංචි 42 හැවිරිදි පිරිමි පුද්ගලයෙක් තෙල්දෙණිය මූලික රෝහලේ දී මියගොස් ඇත. මරණයට හේතුව කොරෝනා නිව්මෝනියාව හා උග්‍ර වකුගඩු හානිවීමයි
- මීගමුව පදිංචි 68 හැවිරිදි පිරිමි පුද්ගලයෙක් කිලිනොච්චියේ ක්‍රිෂ්ණපුර ප්‍රතිකාර මධ්‍යස්ථානයේ සිටය දී උග්‍ර කොරෝනා නිව්මෝනියාව හා බහු ඉන්ද්‍රීය අක්‍රිය වීම හේතුවෙවන් මියගොස් ඇත
- මාලඹේ පදිංචි 66 හැවිරිදි පුද්ගලයෙක් උග්‍ර වකුගඩු අක්‍රීය වීම, කොරෝනා නිව්මෝනියාව, අධි රුධිර පීඩනය, හෘද රෝග හා පෙනහළු ආබාධ හේතුවෙවන් අයි.ඩී.එච්. රෝහලේ දී මියගොස් ඇත
- මාලඹේ පදිංචි 82 හැවිරිදි කාන්තාවක් අයිඩීඑච් රෝහලේ දී කොරෝනා නිව්මෝනියාවෙන් මියගියාය.
- බොරැල්ල පදිංචි 52 හැවිරිදි පිරිමි අයකු උග්‍ර ශ්වසන අපහසුතා, කොවිඩ් නිවුමෝනියාව, අධි රුධිර පීඩනය, දියවැඩියාව සහ රුධිරයේ කොලෙස්ටරෝල් වැඩිවීම හේතුවෙන් කොළඹ ජාතික රෝහලේ දී මියගොස් ඇත.
- නුවරඑළියේ පදිංචි 59 හැවිරිදි පිරිමි පුද්ගලයකු කොළඹ පුද්ගලික රෝහලක දී මියගොස් ඇත. මරණයට හේතුව කොරෝනා නිව්මෝනියාව, ශ්වසන අපහසුතා සහ හෘද රෝග තත්ත්වය මෙන්ම දියවැඩියාව ලෙස දක්වා තිබේ.
- මෝදර පදිංචි 79 හැවිරිදි කාන්තාවක් ජාතික රෝහලට ඇතුළත් කරනවිටත් මියගොස් සිටියාය. මරණයට හේතුව කොවිඩ් නිව්මෝනියාව, දියවැඩියාව සහ අධි රුධිර පීඩනයයි.
- නිට්ටඹුව පදිංචි 68 හැවිරිදි පිරිමි පුද්ගලයෙක් වතුපිටිවල මූලික රෝහලේ ප්‍රතිකාර ලබමින් සිටිය දී කොවිඩ් පෙනහළු ආබාධයෙන් මියගියේය
- පානදුර පදිංචි 69 හැවිරිදි කාන්තාවකි. අනුරාධපුර ශික්ෂණ රෝහලේ දී මියගියාය. මරණයට හේතුව කොවිඩ් නිව්මෝනියාව සමඟ උග්‍ර වූ ශ්වසන අපහසුතා ලෙස දක්වා ඇත.
- බුලත්සිංහල පදිංචි 77 හැවිරිදි කාන්තාවක් හොරණ මූලික රෝහලේ දී මියගොස් ඇත මරණයට හේතුව කොවිඩ් නිව්මෝනියා තත්ත්වයයි
- ගම්පහ පදිංචි 80 හැවිරිදි කාන්තාවකි. කොතලාවල ආරක්ෂක විශ්වවිද්‍යාල රෝහලේ දී මියගියාය. මරණයට හේතුව කොවිඩ් නිව්මෝනියාව සහ බහු ඉන්ද්‍රීය අක්‍රිය වීමයි.
