ශ්‍රී ලංකාවේ කොරෝනා වසංගතය වැඩිවීමේ ප්‍රවණතාවක් ඇතිවී තිබෙන බවත් දැඩි සත්කාර ඒකකවලට රෝගීන් ඇතුළත්වීමේ සීඝ්‍ර වැඩිවීමක් නිරීක්ෂණය වන බැවින් දැඩි අවධානයකින් සිටිය යුතු බව සෞඛ්‍ය ප්‍රවර්ධන කාර්යාංශය පවසයි.
එම කාර්යාංශය දැනුම් දී ඇත්තේ ශ්‍රී ලංකාවේ මීට පෙර හමු නොවූ කොරෝනා වයිරස ප්‍රබේදයක් පසුගිය දින කිහිපය තුළ වාර්තා වී ඇති බවයි. මේ පිළිබඳ විද්‍යාත්මක දත්ත සමාලෝචනය හා තොරතුරු අධ්‍යනය කිරීම දැනටමත් සිදුකරගෙන යන බව ද එම කාර්යාංශය දැනුම් දී ඇත.
රෝග නිවාරණ උපදෙස් පිළිපැදීම මගින් රෝග පැතිරීම ඉතා ඉක්මනින් පාලනය කළ හැකි වුව ද පසුගිය උත්සව කාලයේ දී හා ඊට සමගාමීව මෙම සෞඛ්‍ය උපදෙස් පිළිපැදීම ක්‍රමයෙන් අඩු වීමක් දක්නට ලැබීම මෙම අලුත් අවදානම් තත්ත්වයක් නිර්මාණය වීමට හේතු වී ඇතැයි ද එම නිවේදනයේ සඳහන් කර ඇත.
මේ තොරතුරු ගවේශනාත්මක නැහැ.දැඩි සත්කාරවලට රෝගීන් ඇතුලත් කරනුයේ විශේසඝ වෛද්‍ය නිර්දේශ මත.එවැනි දැඩි සත්කාර ඒකකයන්හි තදබදයක් ගැන නිශ්චිත තොරතුරු මේ වනතෙක් අනාවරණයවී නැහැ.කොරෝනා වෛරසයේ විකුර්ති ප්‍රභේද මෙතෙක් නිශ්චිතව හඳුනගෙනද නැත.උත්සව සමයෙන් පසු එතෙක් නතර කරතිබූ PCR පරීක්ෂණ යලි ආරම්භ කර ඇත.අහඹු පරීක්ෂණ ආරම්භ කර ඇත.පළාත් සභා මැතිවරණය,පොර්ට් සිටි ව්‍යාපෘතිය,ආණ්ඩුවේ අභ්‍යන්තර අරබුදය,මැයි දිනය ආදී හේතුන් මත ආණ්ඩුව සැලසුම් සහගතව කොරෝනා භීතියක් නිර්මාණය කරමින් ඇත.
මෙය සෞඛ්‍ය ප්‍රවර්ධන කාර්යාංශයේ නිල නිවේදනයක්. නැතිව අපි කළ හෙළිදරව්කිරීමක් නොවෙයි.