ගාල්ල මහ නගර සභාවේ සෞඛ්‍ය අංශයට සෞඛ්‍ය වෛද්‍ය නිලධාරීවරයකු බඳවා ගැනීම සඳහා අයදුම්පත්‍ර කැඳවා ඇත. අයදුම් පත්‍ර භාර ගන්නා අවසන් දිනය 2021 අප්‍රේල් මස 18 ලෙස සඳහන් කර ඇති අතර මේ සම්බන්ධ දැන්වීම් පුවත් පත්වල ද ප්‍රසිද්ධ කර තිබේ.
මෙවැනි බඳවාගැනීමකට හේතු වී ඇත්තේ ගාල්ල නාගරික සෞඛ්‍ය වෛද්‍ය නිලධාරී සහ සහකාර වෛද්‍ය නිලධාරීවරයා ලෙස කටයුතු කළ වෛද්‍යවරු දෙදෙනාම පසුගිය මාර්තු මස 20 වැනි දින සිට නගර සභාවේ රජාකාරී කටයුතුවලින් ඉවත්ව රාජකාරී පැහැර හරිමින් සිටීමයි.
ගාල්ල මහ නගර සභාවේ සෞඛ්‍ය අංශයට වෛද්‍යවරුන් අනුයුක්ත කරනු ලබන්නේ සෞඛ්‍ය අමාත්‍යාංශය මගිනි. නමුත් නගර සභා ආඥා පනත අනුව අයදුම් පත්‍ර කැඳවා වෛද්‍යවරු බඳවාගැනීමේම හැකියාව ද නගර සභාව සතුව ඇත.
රජයේ වෛද්‍ය නිලධාරීවරුන්ගේ සංගමයේ පෙළඹවීම මත ඉහත වෛද්‍යවරුන් දෙදෙනා මේ වනවිට සේවය පැහැර හරිමින් සිටින අතර ඒ හේතුවෙන් නගර සභා සීමාවේ කොරෝනා මර්ධන කටයුතු, ඩෙංගු මර්ධන කටයුතු සහ එන්නත් කිරීම් මෙන්ම දෛනික සායන පැවැත්වීම් ද අඩාල වී තිබේ.
ගාල්ල නාගරික කොමසාරිස් රනිල් වික්‍රමසේකර කියා සිටියේ සෞඛ්‍ය අංශයේ ඇතිවී තිබෙන ගැටලුව හේතුවෙන් එම අර්බුදය විසඳීම සඳහා ගාල්ල මහ නගර සභාවට කොන්ත්‍රාත් පදනම යටතේ වෛද්‍යවරයෙක් බඳවා ගැනීමට තීරණය කළ බවයි.
රජයේ වෛද්‍ය නිලධාාරීන්ගේ සංගමය පසුගිය දිනක මාධ්‍ය සාකච්ඡාවක් පවත්වමින් කියා සිටියේ නගර සභාවේ වෛද්‍යවරු දෙදෙනාට ආරක්ෂාවක් නොමැති බැවින් ඔවුන් නගර සභාවෙන් ඉවත්ව වෙනත් තැනකට ගෙන ගිය බවයි. නමුත් එම ස්ථානයට නගර සභාව පහසුකම් නොදුන් බැවින් අපි අපේ වෛද්‍යවරුන් දෙදෙනා දිස්ත්‍රික් සෞඛ්‍ය සේවා අධ්‍යක්ෂ කාර්යාලයට ගෙන යන බව රජයේ වෛද්‍ය නිලදාරීන්ගේ සංගමයේ ගාල්ල දිස්ත්‍රික් ලේකම් වෛද්‍ය මංජුල ද සොයිසා කීවේය.
නමුත් එම සංගමයේ වෛද්‍යවරුන් තේරුම් නොගන්නා දෙයක් වන්නේ වෛද්‍යවරුන් අපේ වෛද්‍යවරුන්යැයි කියමින් ඔවුන්ගේ හිතුමතයට කටයුතු කළ නොහැකි බවයි. එමෙන්ම මහ නගර සභාවක් යනු සෞඛ්‍ය අංශය ස්වාධීනව ක්‍රියාත්මක වන ආයතනයකි. ඒ සඳහා වෛද්‍යවරුන් බඳවා ගැනීම හෝ සෞඛ්‍ය අමාත්‍යාංශයෙන් අනුයුක්ත කිරීම සිදුකරයි.
8 පාස් නගරාඩිපතිලා සත්තුන්ට වගේ සලකද්දි වෙද්යවරු වෑඩ කරයිද?
රජයේ වෛද්‍ය නිලධාරීන්ගේ සංගමය කියන්නේ ත්‍රස්තවාදී සංවිදානයක්. මුන් එළවලා නගර සභාවට අලුතෙන් වෛද්‍යවරු පත්කිරීමට ගත් තීරණය ගැන සතුටුයි.
ඒ එන දොස්තරලා පිටරට අය වෙන්ටෑ
වෛද්‍ය වෘත්තිය කියන්නේ වැදගත් වෘත්තියක්. ඒ ගැන තර්ක නෑ. ඒත් ලංකාවේ වෛද්‍යවරුන්ගේ සංගමයේ ඒක තවම තේරුම් අරගෙන නැහැ. තේරුම් ගන්න තරම් ඔලුවකුත් නෑ වගෙයි පේන්නේ. ඕනෑම පිස්සු වෛද්‍යවරයෙක් කරන පිස්සු වැඩ වෙනුවෙන් වෛද්‍ය සංගමය පෙනී ඉඳලා කරගන්න මෝඩකම අනන්තයි. ඒ වගේ එකක් ගාල්ලේ සිදුවුන බවට පසුගිය දිනක පලවෙච්ච පුවතකින් අනාවරණය උනා. PHI මහත්තයෙකුට ගහන්න දකුණු පළාත් ආණ්ඩුකාරවරයා සහ ලේකම්වරු පස්සේ වෛද්‍ය සංගමය ගිහින්. වැඩේ කැතයි මැච් එක හරියට ගහන්නේ නැතුව , ඔය කරල තියෙන්නෙ PHI මහත්තයා එක්ක දොස්තර මැච් එක ගහලා පැරදෙන්න යනකොට අන්තිමට විනිශ්චය කාරයන්ට පගාව දීලා PHI මහත්තයට හොර අවුට් දුන්න එක නේද? දොස්තරලා මොකටද CS කාර්යයන්ගෙන් සහ ආණ්ඩුකාරවරුන් ගෙන් උදව් ගන්නෙ. කැතයි ඒ වගේම ලැජ්ජයි.