මේ දිනවල ආසියාවේ රටවල පැතිරයන නව කොරෝනා වයිරසය ශ්‍රී ලංකාවෙන් ද වාර්තා වී ඇතැයි වෛද්‍ය පර්යේෂණ ආයතන පවසයි.
වයිරස් රෝග පිළිබද විශේෂඥ වෛද්‍ය ජූඩ් ජයමහ කියා සිටියේ, ඔමික්‍රෝන් වයිරස ප්‍රභේදයට අදාල අනු ප්‍රභේදයන් වන LF.7 සහ XFG යන අනු ප්‍රභේදය ආසාදිත රෝගීන් මෙරටින් වාර්තා වන බවයි.
මෙරට රෝහල් කිහිපයකින් කොරෝනා බවට සැකසහිත රෝගීන් කිහිප දෙනෙකුගෙන් ලබාගත් ජෛව සාම්පල පරීක්ෂා කිරීමෙන් මේ බව තහවරු කරනෙ ඇත.
විශේෂඥ වෛද්‍ය ජයමහ වැඩිදුරටත් කියා සිටියේ මෙම නව කොරෝනා වයිරස ප්‍රභේදය සම්බන්ධයෙන් අනිසි බියක් ඇතිකර නොගත යුතු බවයි.
ගර්භණී මව්වරුන්, වැඩිහිටියන් හා නිදන්ගත රෝගීන් මුඛ ආවරණ පැලඳීම, ජනතාව වැඩි වශයෙන් ගැවසෙන ස්ථානවල රැඳී නොසිටී, අත් නිතර සේදීම යන යහපත් සෞඛ්‍ය පුරුදු අනුගමනය කිරීම අත්‍යාවශ්‍ය බවද සෞඛ්‍ය අමාත්‍යාංශය පවසයි.
“කොරෝනා වයිරසයේ නව ප්‍රභේද වරින් වර පැති යනවා. ඒ සම්බන්ධයෙන් සෞඛ්‍ය අංශ නිතර අවධානයෙන් පසුවනවා. අනවශ්‍ය බියක් ඇතිකරගන්න එපා.” යනුවෙන් ද විශේෂඥ වෛද්‍යවරයා කීවේය.
