ප්‍රමිතියේ තොර කාබනික පොහොර නැවක් ගෙන්වීමේ සිද්ධිය සම්බන්ධයෙන් සැකපිට රිමාන්ඩ් කර සිටි හිටපු අමාත්‍ය මහින්දානන්ද අලුත්ගමගේ අද (26) ඇප මත මුදාහැරීමට කොළඹ මහේස්ත්‍රාත් තනූජා ලක්මාලි නියෝග කළාය.
විත්තියේ නීතිඥවරයා සහ අල්ලස් කොමිසම විසින් ඉදිරිපත් කළ කරුණු සළකා බැලීමෙන් අනතුරුව මහේස්ත්‍රාත්වරිය විසින් සැකකරු රුපියල් 50,000.00ක මුදල් ඇප සහ රුපියල් මිලියනය බැගින් වූ ශරීර ඇප පහක් මත මුදාහරින ලෙස නියෝග කරන ලදී.
එම ඇපකරුවන් අතරින් දෙදෙකු ළඟම ඥාතීන් විය යුතු බව ද නියෝගයේ සඳහන් ය. සැකකරුගේ විදේශ ගමන් තහනම් කෙරුණු අතර විදේශ ගමන් බලපත්‍රය අධිකරණයට භාරදිය යුතු බවටත් මහෙස්ත්‍රාත්වරිය නියෝග කළාය.
එමෙන් ම විමර්ශන සඳහා අවශ්‍ය සහය ලබාදෙන ලෙසත් සාක්ෂි කරුවන්ට බලපෑම් කි‍රීමෙන් වළකින ලෙසත් උපදෙස් දී තිබේ.
