ලබාගත හැකි ඕනෑම ප්රවේශ පත්රයක් මගින් ලෙබනනයෙන් පිටව යන ලෙස ලෙබනනයේ ඇමරිකානු තානාපති කාර්යාලය ඇමරිකානු පුරවැසියන්ගෙන් ඉල්ලා තිබේ.
බ්රිතාන්ය විදේශ ලේකම්වරයා ද ලෙබනනයේ සිටින බ්රිතාන්ය පුරවැසියන්ගෙන් එවැනිම ඉල්ලීමක් කර ඇතැයි වාර්තා වේ.
ජෝර්දානය ද ලෙබනනයේ රැඳී සිටින සිය පුරවැසියන්ගෙන් ඉවත්වන ලෙස ඉල්ලා ඇතැයි වාර්තා වේ.
බ්රිතාන්ය හමුදා නැව් දෙකක් දැනටමත් කලාපයේ පවතින අතර රාජකීය ගුවන් හමුදාව ප්රවාහන හෙලිකොප්ටර් සූදානම් කර ඇත. කෙසේවුවද බ්රිතාන්ය විදේශ ලේකම් ඩේවිඩ් ලැමී පැවසුවේ “මෙම ගැටුම කලාපය පුරා පැතිරීම කිසිවකුගේ අවශ්යතාවක් නොවන” බවයි.
මේ අතර ගාසා තීරයේ, ඊශ්රායල ප්රහාරයකින් අවතැන් වූවන්ට නවාතැන් දෙන පාසලක අවම වශයෙන් පුද්ගලයන් 17 දෙනෙකු මිය ගිය බව හමාස් පාලනය කරන බලධාරීන් සෙනසුරාදා ප්රකාශ කළේය.
ඊශ්රායල අග්රාමාත්ය බෙන්ජමින් නෙතන්යාහු ඊශ්රායල වැසියන්ට අනතුරු අඟවා ඇත්තේ “ඉදිරියට ඇත්තේ අභියෝගාත්මක කාලයකි. අපට සෑම පැත්තකින්ම තර්ජන එල්ලවී ඇත. අපි ඕනෑම තත්වයකට සූදානම්ව සිටිමු” යනුවෙනි.
