2016 මැතිවරණයේ දී චිත්‍රපට නිළියකට මුදල් ගෙවීමේ සිද්ධියක් සම්බන්දයෙන් ඇමරිකාවේ හිටපු ජනපති ඩොනල්ඩ් ට්‍රම්ප්ට චෝදනා කිරිමට නිව්යෝක්හි ජූරි සභාව ඡන්දය ප්‍රකාශකර තිබේ.
ඔහුට එරෙහි නඩුවේ තොරතුරු මෙතෙක් ප්‍රකාශයට පත් කර නොමැති නමුත් ස්ටෝමි ඩැනියෙල්ස් නම් නිළිය නිහඬ කිරිම සඳහා ඩොලර් 130,000ක ගෙවීමක් සිදුකිරීම පිළිබඳව විමර්ශනය කිරීමෙන් පසු මෙලෙස චෝදනා ගොනුකර තිබේ.
ඩැනියෙල්ස් මහත්මියට ඔහු කළ ගෙවීම් සැඟවීමට ඔහු ගත් උත්සාහය, ඔහු ඇය සමඟ අනියම් සම්බන්ධයක් ඇති බව ඡන්දදායකයින්ගෙන් සැඟවීමක් නිසා මෙය මැතිවරණ නීතිය කඩ කරන බවට පැමිණිලිකරුවන්ට චෝදනා කළ හැකිය.
වාර්තා ව්‍යාජ ලෙස සකස් කිරීමෙන් අපරාධයක් වසන් කිරීම ද අපරාධයක් වන අතර එය වඩාත් බරපතල චෝදනාවකි. කෙසේ වෙතත්, මෙය කිසිසේත්ම පැහැදිලි නඩුවක් නොවන බව පැමිණිල්ල වෙනුවෙන් පෙනී සිටින අය පවා පිළිගනිති.
විදෙස් මාධ්‍ය වාර්තාකර ඇත්තේ ඇමරිකාවේ ජනාධිපතිවරයෙකුට මෙතෙක් මෙවැනි අපරාධ චෝදනාවක් එල්ලවී නොමැති බවයි. ඒ අනුව 76 හැවිරිදි ට්‍රම්ප් අපරාධ චෝදනාවකට මුහුණ දුන් පළමු ජනාධිපති හෝ හිටපු එක්සත් ජනපද ජනාධිපති වේ.
ට්‍රම්ප්ගේ නීතීඥ සුසාන් නෙචෙල්ස් පවසා ඇත්තේ ට්‍රම්ප් එළඹෙන අඟහරුවාදා දිනයේ අධිකරණයේ පෙනී සිටිනු ඇති බවයි. එහිදී අචෝදනා සම්බන්දයෙන් අභියාචනාවක් ඉදිරිපත් කරනු ඇති බවත් ඔහු පවසා ඇත.
මේ වනවිට ව්‍යාපාරික වංචා 30කට මුහුණ දී සිටින ට්‍රම්ප් පවසා ඇත්තේ මෙය දේශපාලන පලිගැනීමක් බවයි. ප්‍රවෘත්තිය පළවන විට ට්‍රම්ප් සිටියේ ෆ්ලොරිඩාවේ වන අතර එම නිවේදනය ඔහුගේ කණ්ඩායම පුදුමයට පත් කළ බව සඳහන් වේ.
ට්‍රම්ප් මහතාගේ නීතීඥ සුසාන් නෙචෙල්ස් ප්‍රකාශයක් නිකුත් කරමින් කියා සිටියේ, “ඔහු කිසිදු අපරාධයක් කර නැත. මෙම දේශපාලන නඩු පැවරීම සම්බන්ධයෙන් අපි උසාවියේදී දැඩි ලෙස සටන් කරනවා” යනුවෙනි.
2024 දී පැවැත්වීමට නියමිත ඇමරිකානු ජනාධිපතිවරනයේ රිපබ්ලිකන් පක්ෂයේ අපේක්ෂකත්වය සඳහා වන ඡන්ද විමසීම් වල ට්‍රම්ප් ඉදිරියෙන් සිටින බව වාර්තා වේ.
