ඉදිරි සතියේ දී තිරිඟු පිටි කිලෝ ග්රෑම් එකක මිල රුපියල් 250.00 දක්වා පහළ දැමීමට හැකිවනු ඇතැයි වෙළෙඳ අමාත්ය නලින් ප්රනාන්දු පවසයි.
ඔහු මේ බව කියා සිටියේ අද (03) පාර්ලිමේන්තුවේ දී රෝහණ බණ්ඩාර මන්ත්රීවරයා තිරිඟු පිටි කිලෝ ග්රෑමයක් රුපියල් 450.00කට අළෙවි වන බව පවසමින් ඒ පිළිබඳ විමසීමේ දී ඊට පිළිතුරු ලබා දෙමිනි.
අමාත්යවරයා එහි දී වැඩිදුරටත් කියා සිටියේ තිරිඟු පිටි සහිත කන්ටේනර් 100ක් පමණ මේ වනවිට වරායට ලැබී තිබෙන බවයි. තුර්කියෙන් සහ ඩුබායි වෙතින් ලැබී ඇති එම තිරිඟු පිටි ගොඩබෑම සිදුකරන බවත් තිරිඟු පිටි තොග ලැබීම ප්රමාදවීම හේතුවෙන් පිටි මිල ඉහළ ගිය බවත් අමාත්යවරයා කීවේය.