මහනුවර බෞද්ධ කටයුතු කොමසාරිස් පන්සල්වලට වැරදි උපදෙස් දෙයි. ශ්‍රේෂ්ඨාධිකරණයටත් අපහාසයක් ?

පුවත්

ගොවීහු කෘෂිකර්ම ඇමති සොහොන් පිටියක වළලති. ඇමති පණ පිටින්

මාස් කන්නයේ වී වගාවට අවශ්‍ය පොහොර ලබාදෙන ලෙස ඉල්ලා උද්ඝෝෂණයක නිරත වූ ගොවිහු පිරිසක් කෘෂිකර්ම අමාත්‍ය මහින්දානන්ද අළුත්ගමගේ ලෙස සැකසූ පිළිරුවක් මළ...

දෙරණට ශබ්ද උපකරණ ගෙනයන ලොරියක කාරයක් හැපී රථ දෙකම ගිනිගනී (වීඩියෝ සහිතයි)

දෙරණ නාලිකාවේ වැඩසටහනකට අවශ්‍ය ශබ්ද උපකරණ ප්‍රවාහනය කරමින් තිබූ ලොරියක් දෙල්කඳ ප්‍රදේශයේ නවතා තිබිය දී ඊයේ (10) රාත්‍රී එහි ගැටුණු කාරයක් ගිනිගෙන...

මහ වැස්සෙන් මන්නාරමේ ජන ජීවිතය අඩාල වෙයි

මහ වැසි හේතුවෙන් මන්නාරම දිස්ත්‍රික්කයේ ප්‍රදේශ කිහිපයක ජලගැලීම් සිදුව තිබේ. මේ හේතුවෙන් සාමාන්‍ය ජනජීවිතය ද අඩාල වී ඇතැයි ආපදා කළමනාකරණ දෙපාර්තමේන්තුව පවසයි.

කණ්ඩලම වැවේ දූපත්වලින් හමුවූ අබිරහස් (වීඩියෝ)

දඹුල්ලේ කණ්ඩලම වැවේ පිහිටි දූපතකින් නටඹුන් වී ගිය ගොඩනැගිල්ලක අවශේෂ හමුවූ බවත් තවත් දූපතක කුරුල්ලන් මරා මස් කිරීමේ ජාවාරමක සළකුණු හමු වූ...

විදෙස්

රාජ්‍ය නිලධාරියකු ආණ්ඩුක්‍රම ව්‍යවස්ථාව ආරක්ෂා කිරිමටත් රටේ නීතිය ආරක්ෂා කිරීමටත් කටයුතු කළ යුතුව තිබිය දී මහනුවර දිස්ත්‍රික්කයේ බෞද්ධ කටයුතු කොමසාරිස් ඊ.ආර්. ලලිත් බී.ඇටම්පාවළ නීත්‍යානුකූල නොවන ලිපියක් උඩුනුවර ප්‍රාදේශීය ලේකම්වරයාට සහ මහනුවර සහකාර පොලිස් අධිකාරීවරයාට ද පිටපත් සහිතව විහාරස්ථ හිමිනමකට නිකුත් කර ඇත.

මෙම ලිපිය මගින් මහනුවර දිස්ත්‍රික්කයේ බෞද්ධ කටයුතු කොමසාරිස් වරයා මෙරට ආණ්ඩුක්‍රම ව්‍යවස්ථාව උල්ලංඝනය කරමින් ජනතාවට හිසංනයකට අනුබල දෙන අතර ශ්‍රේෂ්ඨාධිකරණය මගින් 2007 වර්ෂයේ දී ලබාදුන් නියෝගයක් උල්ලංඝනය කිරීමට අනුබල දී ඇත. නීතිවේදීන් පවසන්නේ එය ශ්‍රේෂ්ඨාධිකරණයට අපහාසයක් බවයි.

එවැනි උපදෙස් නිකුත් කිරීමට මහනුවර දිස්ත්‍රික්ක‍යේ බෞද්ධ කටයුතු කොමසාරිස්වරයාට ‍හැකියාවක් ඇත්ද යන්න ගැටලුවකි.

මෙම ලිපිය 2021-10-06 දිනැතිව මහනුවර දිස්ත්‍රික්කයේ උඩුනුවර ප්‍රාදේශීය ලේකම් කොට්ඨාසයේ පිහිටි කැලියල්පිටිය පුරාණ විහාරයේ විහාරාධිපති හිමියන්ට නිකුත් කර තිබේ.

ලිපියේ සඳහන් කර ඇත්තේ අදාල විහාරස්ථානයේ දෛනිකව ප්‍රචාරය කරනු ලබන පිිරිත් සජ්ජායන හේතුවෙන් පීඩාවට පත්වන බව පේරාදෙණිය, කැලියල්පිටිය නිවසක පදිංචිකරුවන් විසින් විවිධ ආයතන සඳහා පැමිණිලි ඉදිරිප්ත කර ඇති බවයි.

ඒ අනුව මෙම කරුණු පිළිබඳ ගෞරවනීය අවධානය යොමුකර පීඩාවක් නොවන ආකාරයෙන් ශබ්ද විකාශන යන්ත්‍ර භාවිතා කරන මෙන් ශාසනාලයෙන් යුතුව ඉල්ලමි යනුවෙන් ද සසුන් ලැදියකු බව සඳහන් කරමින් බෞද්ධ කටයුතු කොමසාරිස් වරයා එම ලිපිය යොමුකර තිබේ.

මෙය නීති විරෝධී ලිපියකි. ‍ඔහු මෙමගින් විහාරස්ථානයේ උදේ සවස ශබ්ද විකාශන යන්ත්‍රවලින් පිරිත් සජ්ජායනා කිරීම අනුමත කර තිබේ. එය ශ්‍රී ලංකා ආණ්ඩුක්‍රම ව්‍යවස්ථාවට පටහැනි ක්‍රියාවක් මෙන්ම අධිකරණ නියෝගය ද නොතකා හැරීමකි. ඔහු කළ යුතුව ඇත්තේ පිරිත් සජ්ජායනා ශබ්ද විකාශන යන්ත්‍රවලින් විකාශය කිරීම නවතා දමන ලෙස රටේ වලංගු නීතිය අනුව විහාරාධිපති හිමියන්ට උපදෙස් දීමයි. නමුත් බෞද්ධ කටයුතු කොමසාරිස්වරයා මෙරට අධිකරණ නියෝග උල්ලංඝනය කිරීමට උපදෙස් දී ඇත.

අපි මේ පිළිබඳ බෞද්ධ කටයුතු කොමසාරිස් ඇටම්පාවල අමතා විමසීමක් කළ විට ඔහු කියා සිටියේ සහකාර පොලිස් අධිකාරී කාර්යාලය විසින් තමන් වෙත යොමුකර තිබූ ලිපියකට අනුව මෙම ලිපිය යැවූ බවයි.

මීට පෙර මේ සම්බන්ධයෙන් අප තැබූ සටහනක පොලිසිය විවිධ පාර්ශවයන්ට ලිපි යොමුකරමින් පීඩාවට පත්වන පුද්ගලයාට යුක්තිය ඉටුකිරීම පැහැර හරින බව ප්‍රකාශ කළෙමු. එම ලිපිය මෙතැනින් කියවන්න.

අප එදා අනාවරණය කළ ආකාරයෙන් ම දැන් එය සිදුව තිබේ.

ඇටම්පාවල පවසන්නේ ද ශබ්ද විකාශන යන්ත්‍ර සම්බන්ධයෙන් පොලිස්පතිවරයාගේ උපදෙස් සහ ශ්‍රේෂ්ඨාධිකරණ නියෝගයක් තිබිය දී සහකාර පොලිස් අධිකාරී කාර්යාලයෙන් ඒවා ක්‍රියාත්මක නොකර මෙවැනි  ලිපියක් තමන්වෙත යොමුකිරීම අනවශ්‍ය බවයි. නමුත් ලිපිය යොමු වූ බැවින් පිළිිතුරු ලිපියක් යැවූ බව ද ඔහු සඳහන් කළේය.

“මම මේ සම්බන්ධ නීතිය දන්නවා. 2007 ශ්‍රේෂ්ඨාධිකරණ නියෝගයක් තියෙනවා. ඒ අනුව ශබ්ද විකාශන යන්ත්‍රයක් භාවිතා කරනවානම් ඊට බලපත්‍රයක් ගත යුතුයි. බලපත්‍ර කොන්දේසි තියෙනවා. ඉතින් ඒ නිසා තමයි ඒ කොන්දේසි අනුව බලපත්‍රයක් අරගෙන තිබේනම් එහි ශබ්දය අඩුකරන්න කියා මා ලිපිය යැව්වේ. නීතිය නොදැන යැව්වා නොවෙයි. මේ ගැන ශාසනාරක්ෂක බල මණ්ඩලයේ දී කතා කරලා සුදුසු සාධාරණයක් කරන්නත් ඉදිරියේ දී කටයුතු කරනවා.”

මේ රාජ්‍ය නිලධාරියා විසින් නීතිය දැන දැනම කර ඇත්තේ විශාල වරදකි.

ශබ්ද විකාශන යන්ත්‍ර සඳහා බපත්‍රයක් ලබාගත යුතුය. ඒ බව ඔහු ද දනී. නමුත් මේ විහාරස්ථානයේ ශබ්ද විකාශන යන්ත්‍ර සඳහා එවැනි බලපත්‍රයක් නොදුන් බව පොලිසිය පවසයි. විහාරස්ථානයේ ශබ්ද විකාශනය සඳහා බලපත්‍රයක් නොගත් බව විහාරාධිපති හිමියන් වන ඇතිපොළ බුද්ධරක්ඛිත හිමියෝ ද කියති. එසේනම් ශබ්ද අඩු කරන්නට යැයි උපදෙස් දී ඇත්තේ කවර නම් වූ ශබ්ද විකාශන යන්ත්‍රයක ද ?

මෙම ශබ්ද විකාශන යන්ත්‍රවලින් ජනතාවට පීඩාවක් සිදුවන බවට පැමිණිලි කර තිබීම සම්බන්ධයෙන් අප විහාරාධිපති ඇතිපොළ බුද්ධරක්ඛිත හිමිගෙන් විමසූ විට කියා සිටියේ පිරිත් අහන්න බැරි අයට ගැන තමන්ට ප්‍රශ්නයක් නැති බවයි. ගමේ බහුතරයකට ඕනෑ නිසා පිරිත් විකාශය කරන බවත් එය නොනවත්වන බවත් තමන්ට නීතිය අදාල නැති බවත් ඒ හිමියෝ අප සමඟ කීහ.

මේ ගැන ඇසූ විට මහනුවර දිස්ත්‍රික් බෞද්ධ කටයුතු කොමසාරිස්වරයා දෙන්නේ යන්නේ කොහේ ද ? මල්ලේ පොල් උත්තරයකි.

“පන්සලේ විශේෂ උත්සවයකට ශබ්ද විකාශන යන්ත්‍ර සවිකරන්න පුළුවන්නේ. ඉතින් මේ එහෙම එකක් වෙන්න ඇති.”

කැලියල්පිටිය පුරාණ විහාරස්ථානයේ ශබ්ද විකාශන යන්ත්‍රවලින් තමන්ට හිරිහැර කළ බවට මේ නිවැසියන් විසින් වසර දෙකකටත් පෙර පොලිසියට පැමිණිලි කර තිබේ. විහාරාධිපති හිමි ඇතිපොළ බුද්ධරක්ඛිත ගමේ ජනතාව රැස්කරමින් එම නිවැසියන්ට එරෙහිව ඔවුන්ව මෙහෙයවමින් හා චණ්ඩිකම් පාමින් බලහත්කාරයෙන් මේ ශබ්ද විකාශන යන්ත්‍ර දිගටම පවත්වාගෙන යන්නේ විහාරස්ථානයේ විශේෂ උත්සයක් සඳහා නොවන බව කොමසාරිස්වරයා ‍හොඳින්ම දන්නා කරුණකි. නමුත් සසුන් ලැදි ඔහු ඒ ගැන ගණනකට නොගන්නා බව පැහැදිළිය.

ශබ්ද විකාශන යන්ත්‍ර විශේෂ උත්සවයක් සඳහා භාවිතා කරනවානම් ඒ සඳහා එම දිනයට පමණක් බලපත්‍රයක් ලබාගත යුතු බවත් එහි ශබ්දයත් විහාරස්ථානයෙන් පිටතට නොඇසෙන සේ තිබිය යුතු බවත් අපි බෞද්ධ කටයුතු කොමසාරිස්වරයාට සිහිපත් කළ විට ඔහු එය පිළිගත්තේය.

නමුත් ඔහු මේ සම්බන්ධව නීතිය ක්‍රියාත්මක කරන අංශවලට නිසි උපදෙස් දෙන්නේ නැත. විහාරාධිපති හිමියන්ට ද වැරදි උපදෙස් දෙයි.

ශබ්ද දූෂණය වැළැක්වීමේ ජාතික එකමුතුව නමැති සංවිධානයේ නීතිඥ වරියක් මේ සම්බන්ධයෙන් කරුණු දක්වමින් කියා සිටියේ පොලිසියට පැමිණිලි කළ පුද්ගලයා 46 වතාවක් පොලිසියට කැඳවා සිටිය දී විත්තිකාර පාර්ශවය නොපැමිණීමත්, ඔවුන්ට එරෙහිව නීතිය ක්‍රියාත්මක නොකිරීම සම්බන්ධයෙන් දැනටමත් දිගන පොලිසියට හා මහනුවර සහකාර පොලිස් අධිකාරී කාර්යාලයට විරුද්ධව මානව හිමිකම් පැමිණිල්ලක් ගොනුකර තිබෙන බවයි. එමෙන්ම මෙම ලිපියට අනුව මහනුවර බෞද්ධ කටයුතු කොමසාරිස් වරයා ශ්‍රේෂ්ඨාධිකරණ නියෝග නොතකා හැරීම සම්බන්ධයෙන් ද, පොලිසිය එම නියෝග නොතකා හැරීම සම්බන්ධයෙන් ද ශ්‍රේෂ්ඨාධිකරණයට කරුණු දැනුම් දෙන බව ද එම නීතිඥවරිය පැවසුවාය.

(මෙම ලිපිය සම්බන්ධයෙන් කිසියම් පුද්ගලයකුට හෝ පාර්ශවයකට අගතියක් සිදුවන්නේ නම් ඔවුන්ගේ කරුණු පැහැදිලි කිරීමක් ‍සඳහා මෙවැනිම ඉඩක් ලබාදෙමින් පළකරනු ලබන බව දන්වා සිටිමු)

4 COMMENTS

  1. දුක් විඳින ජනතාව වෙනුවෙන් ඔබ කරන මෙහෙය අගයමි.

  2. මේ වගේ නීතී නොසලකා කටයුතු කිරීම් අනන්තයි. අප්‍රමාන යි. හාමුදුරුවනේ පෝයදාට විතරක් ඔය උතුම් කටයුත්ත කරල අහල පහළ ගෙවල්වල දරුවන්ට සහනයක් දෙනවා නම් හොද බව මගේ හැගීමයි.

  3. මේ ලව්ඩ්ස්පීකර් භාවිතය දැන් වසංගතයක් ලෙසම පැතිර යන ස්වභාවයක් දක්නට ඇත. මෙය මහා ඝෝෂාකාරීය. වහා නීතිය ක්‍රියාත්මක කල යුතුය.

  4. මෙම සිද්ධියේදි මා දන්නා තරමින් හිංසනයට පත් පවුලේ අයගේ ශ්‍රමයෙන්ම මෙම ශබ්ද විකාශන යන්ත්‍රය සවි කල කුළුණ සාදවාගෙන ඇත. එහිදී පවසා ඇත්තේ විශේශ අවස්තාවකදී පමණක් එම කුළුණේ ඇති ශබ්ද විකාශණ යන්ත්‍ර භාවිතා කරන බවයි. නමුත් හිංසනයට පත් පවුලේ අළුත උපන් බිළිඳෙකු සිටින නිසා එම ශබ්ද විකාශන යන්ත්‍ර භාවිතා නොකරන ලෙස ඉල්ලා සිටි අවස්තාවේදී හිමි නම පවසා ඇත්තේ “එතකොට අපි නිදා ගන්නේ කොහොමද?” යනුවෙනි. දැනට අවුරුද්දක පමණ කාලයක් පුරාවට වයස අවුරුදු 7ක දරුවෙකු සහ අවුරුද්දකට අඩු වයසැති බිළිඳෙකු සෑම දිනකම පාන්දර මෙම පිරිත් විකාශනය නිසා පත්වෙන පීඩාව බෞද්ධ කම තවරා ගත්තු දේවදත්ත කුලයේ චීවරදාරියාටවත් ඔහුගේ අනුගාමීන්ටවත් නොවැටහීම මනුෂ්‍යත්වට කෙරෙන බරපතල නිග්‍රහයකි.
    මානුෂිකව සිතීමවත් නොහැකි චීවරදාරීන්ගෙන් (මොනම හෝ ආගමික පූජ්‍ය පාර්ශවයකින්) මිනිසුන්ට වෙන පීඩාවන් වලින් ඔවුන් බේරා ගැනීමත් ශාසනය/සමාජය බේරා ගැනීමත් පුරවැසි යුතුකමක් බව මතක් කිරීමට කැමැත්තෙමි.

ඔබේ අදහස් දක්වන්න.

Latest articles

කළු දිලීර රෝගය වැළඳුණු කොරෝනා ආසාදිතයෙක් ගාල්ලේ දී මියගිහින්

කොරෝනා ආසාදනය වී මියගිය පුද්ගලයකුට කළු දිලීර රෝගය හෙවත් මියුකෝමයිකෝසිස් වැළඳී ඇතැයි තහවුරු වූ බව කරාපිටිය ශික්ෂණ රෝහලේ අධිකරණ වෛද්‍ය අංශය පවසයි.මෙලෙස...

Expo Lanka වටිනාකම බිලියන 400 ඉක්මවූ මෙරට පළමු සමාගම බවට පත්වෙයි

කොළඹ ‍කොටස් වෙළෙඳ පොළ ඉතිහාසයේ වාර්තා අලුත් කරමින් Expo Lanka සමාගමේ සමස්ත වත්කම් රුපියල් බිලියන 400 ඉක්මවා අද (22) වාර්තා විය.

මළ සිරුරක් ඉල්ලා හදිසි මරණ පරීක්ෂකට පහරදීලා

මළ සිරුරක් ඉක්මණින් ලබාදෙන ලෙස ඉල්ලා කිසියම් පිරිසක් විසින් හදිසි මරණ පරීක්ෂකවරයකුට පහර දී ඇතැයි පොලිසිය කියයි. මෙලෙස...

ප්‍රාදේශීය සභාවේ සභාපති කොරෝනා සෑදී මරුට

යාපනයේ කරෙයිනගර් ප්‍රාදේශීය සභාවේ සභාපති එස්.කේතිස්වරන් කොරෝනා ආසාදිතව මියගිය බව සෞඛ්‍ය අංශ පවසයි. සභාපතිවරයා යාපනය ශික්ෂණ රෝහලේ ප්‍රතිකාර...

එන්නත්වලටත් මර්ධනය නොවන “ඩෙල්ටා ප්ලස්” ශ්‍රී ලංකාවේ පැතිරීමේ අවදානමක් ?

කොරෝනා වයිරසයේ තවත් ප්‍රභේදයක් ලෙස හඳුනාගෙන ඇති Delta + (ඩෙල්ටා ප්ලස්) ප්‍රභේදය ලෝකය පුරා රටවල් රැසක සීඝ්‍රයෙන් ව්‍යාප්තවෙමින් පවතින බවත් එය ශ්‍රී...

IOC පෙට්‍රල් සහ ඩීසල් මිල වැඩිකරයි

ලංකා ඉන්දියන් ඔයිල් සමාගම ඔක්ටේන් 92 වර්ගයේ පෙට්‍රල් ලීටරයක් සහ ඩීසල් ලීටරයක් අද (21) මධ්‍යම රාත්‍රියේ සිට රුපියල් 5.00කින් වැඩිකිරීමට තීරණය කර...

ඉතිහාසයේ කිසි දා නොවූ පරිදි කොටස් වෙළෙඳ පොළ ඒකක 10,000 ආසන්නයට ම

කොළඹ  කොටස් වෙළෙඳ පොළ අද (21) දිනයේ ගනුදෙනු 36,143ක් සිදුකරමින් දෛනික පිරිවැටුම රුපියල් මිලියන 4,268ක් බවට පත්විය. සමස්ත කොටස් මිල දර්ශකය ඒකක...

මල්වත්තේ චීවරධාරියෙක් නීතියට උඩින් යද්දී, බෞද්ධ කටයුතු කොමසාරිස් සහ පොලිසියත් ශ්‍රේෂ්ඨාධිකරණය අපහාස කරලා

මල්වතු පාර්ශවයේ චීවරධාරියෙක් නීති සියතට ගනී. පොලිසිය නීතිය මඟහරයි. ‍ මහනුවර දිස්ත්‍රික්කයේ දවුලගල පොලිස් බල ප්‍රදේශයේ පිහිටා ඇති කැලියල්පිටිය...

ලෝකය ජයගත් “යොවුන් සිනමාකරු හසන්ත” මව් බිමට පා තබයි

තුර්කියේ පැවැති “සකර්යා” අන්තර්ජාතික කෙටි චිත්‍රපට උළෙලේ දී හොඳම ජාත්‍යන්තර කෙටි චිත්‍රපටයට හිමි සම්මානය දිනාගත් හසන්ත දිසානායක අද (20) ශ්‍රී ලංකාවට පැමිණියේය.

සහල් මිල යළි ඉහළ දමලා

 සහල් නිෂ්පාදකයන් විසින් මේ වනවිට කීරි සම්බා සහල් කිලෝවක් රුපියල් 40.00කින්  සහ සම්බා සහ නාඩු සහල් කිලෝවක් රුපියල් 15.00කින් යළි ඉහළ දමා...
Back
Free WhatsApp News
Free Viber News
Messenger
Email
error: Content is protected !!
%d bloggers like this: