වියට්නාමයේ අධික වර්ෂාවෙන් ඇතිවූ නායෑමකින් හමුදා සෙබළුන් 11දෙනකු මියගොස් තවක් 11දෙනකු අතුරුදන්ව අතැයි වාර්තා වේ. මධ්‍යම පළාත වන ක්වෑංග් ට්‍රයි පළාතේ 04වන හමුදා බලසේනාවට අයත් ඒකකයක සෙබළුන් පිරිසක් මෙලෙස අනතුරට පත්ව ඇත.එම කඳවුරේ බැරැක්ක ගනනාවක් පස්වලට යටවී ඇත. අතුරුදන්වූ සෙබළුන් සොයා මෙහෙයුමක් ආරම්භ කර ඇති නමුත් අයහපත් කාළගණික තත්ත්වය හේතුවෙන් බාධා එල්ලවී ඇතැයි පැවසේ.පසුගිය සතිය පුරාම වියට්නාමයට අධික වැසි ඇදහැළුණු අතර මේවනවිට ගංවතුර හා නායයෑම් හේතුවෙන් 70කට අධික පිරිසක් මියගොස් තිබේ.  ඉදිරි දින වල තවදුරටත් වර්ෂාව ඇතිවියහැකි බවට ද කාළගුණ අංශ අනතුරු අඟවා තිබේ.ආසන්න තුවා තියෙන් හූ පළාතේ නායයෑමට හසුවූ ජලවිදුලි බලාගාරයක සේවකයින් පිරිසක් මුදවාගැනීමට ගිය සහන සේවකයෝ 13දෙනකු පසුගියදා මියගියහ. ඔවුන්ගෙන් කිහිපදෙනකු ද හමුදා සෙබළුන් බව සඳහන් විය.