කරාපිටියේ GMOA නඩය කොරෝනා රෝගීන් අමාරුවේ දමති

පුවත්

රැහේ රැජිනට අහිමි වූ අවමංගල සිරිත්

ආදි මානවයාගේ සිට නූතන මානව වර්ගයා දක්වා වසර දහස් ගණනක් තිස්සේ විවිධ සංස්කෘතීන් හා සභ්‍යත්වයන් පසුකරගෙන ආ අප වර්තමානය වනවිට නූතන තාක්ෂණයට...

ශ්‍රී ලංකා ක්‍රීඩක දිනේෂ් ලෝක වාර්තාවක් සමඟ පැරාඔලිම්පික් රන් පදක්කමක් දිනා ගනී

පැරාඔලිම්පික් තරඟාවලියක ශ්‍රී ලංකාවට හිමිවූ ප්‍රථම රන් පදක්කම ලෝක වාර්තාවක් ද තබමින් හිමිකරගැනීමට දිනේෂ් ප්‍රියන්ත අද සමත්වූයේය. ඔහු මේ...

පරාක්‍රම සමුද්‍රය රැකගන්න මහා සංඝයා පෙරට එති

පොළොන්නරුවේ පරාක්‍රම සමුද්‍රයේ රළපනාවේ ගල් ඉවත්කර ඒ මතින් ඇවිදින මංතීරුවක් සෑදීමේ ව්‍යාපෘතියට එරෙහිව මහා සංඝරත්නය අද (27) එහි වැඩමකර එම ව්‍යාපෘතිය නවතා...

කටින් බතල හිටවීම දැක තිබේ ද ? ශ්‍රී ලංකාව Lockdown

කොරෝනා වසංගතය වේගයෙන් ම පැතිරය යන රටවල් අතර ඉහළින්ම වැ‍ජඹෙන සහ ලොව වැඩිම කොරොනා මරණ අනුපාතයක් වාර්තාවන රට බවට පත්ව ඇති ශ්‍රී...

විදෙස්

මොරටුව දිසා අධිකරණය විසින් පනවා ඇති වාරණ නියෝගය පවා නොතකමින් රජයේ වෛද්‍ය නිලධාරීන්ගේ සංගමය කරාපිටිය ශික්ෂණ රෝහලේ කොරෝනා සත්කාරක සේවා අවුල් ජාලයක් බවට පත්කරමින් සිටියි.

මොරටුව දිසා විනිසුරුවරයා විසින් එම සංගමයට ලබාදුන් වාරණ නියෝගයේ සඳහන් වන්නේ අවසන්වතාවට නිලවරණයකින් තේරීපත්ව එම නිලවරණය කල් දමමින් සිටි වෛද්‍ය අනුරුද්ධ පාදෙණිය ඇතුළු සියලුම නිලධාරීන් තම නිල නාමයන්, ලිපි ශීර්ෂ සහ වෘත්තීය සමිති නාමයන් භාවිතා නොකළ යුතු බවයි. එසේ වුව ද ඔවුන්ට නිලවරණයට අදාල කටයුතු සඳහා මැදිහත් වන ලෙස අධිකර‍ණයෙන් නියෝග කර තිබිණි.

නමුත් එම නියෝග නොතකමින් වරින් වර මාධ්‍ය සාකච්ඡා පවා පවත්වන රජයේ වෛද්‍ය නිලධාරීන්ගේ සංගමයේ වාරණයට ලක්වූ නිලධාරීන් මේ වනවිට කරාපිටිය ශික්ෂණ රෝහලේ ඉතාමත් සාර්ථකව පවත්වාගෙන යන කොරෝනා සත්කාරක සේවා අවුල් ජාලයක් බවට පත්කිරීමේ උත්සාහයක නිරතව සිටියි.

මෙලෙස අධිකරණ නියෝගයක් නොතකා කටයුතු කිරීම අධිකරණයට අපහාස කිරීමක් බව ඇතැම් විට රජයේ වෛද්‍ය නිලධාරීන්ගේ සංගමයේ වාරණයට ලක්වූ වෛද්‍යවරුන්ට අවබෝධයක් නැතුවා විය යුතුය.

පසුගිය අඟහරුවාදා (24) කරාපිටිය ශික්ෂණ රෝහලේ අධ්‍යක්ෂ වෛද්‍ය ෂෙල්ටන් පෙරේරාගේ මූලිකත්වයෙන් පැවැති කොරෝනා මර්ධන කමිටු රැස්වීමේ දී රෝහලේ සියලු සත්කාර සේවා සමඟ ‍කොරෝනා වසංගයට ගොදුරුවන රෝගීන් සඳහා අවශ්‍ය සේවා සැපයීමට සුවිශේෂී තීරණ කිහියකට එළැඹ තිබේ.

මෙම රැස්වීමට රෝහලේ සියළු වෘත්තීයයන්ට අදාල වෘත්තීය සමිති නියෝජිතයන් ද පැමිණෙන අතර කොරෝනා රාජකාරී අධීක්ෂණයට බව පවසමින් තමන් සියල්ල කරන්නන් බවට වාර්තා සකස් කරන GMOA නියෝජිතයෝ ද සහභාගී වෙති. එදින ද ඔවුහු සහභාගී වී සිටියහ.

එහි දී එළැඹි තීරණ අතර කොරෝනා රෝගීන් සඳහා වෙන්කළ වාට්ටු සහ අනෙකුත් වාට්ටුවල කාර්යභාරය පිළිබඳ දීර්ඝ වශයෙන් සාකච්ඡා කෙරුණු අතර සියලු වෘත්තිකයන් එහි දී අදහස් දක්වා ඇත. අවසානයේ තීරණය වූයේ වෛද්‍ය ඒකක හා වාට්ටු භාර වෛද්‍යවරුන් සමඟ රෝාහල් අධ්‍යක්ෂවරයා සාකච්ඡා කර රෝගීන් රෝහලට ඇතුළත් කිරීම සම්බන්ධයෙන් නව  සැළැස්මක් සකස්කර ක්‍රියාත්මක කිරීමයි. එය බ්‍රහස්පතින්දා සිට ක්‍රියාත්මක කිරීමට ද එහි දී තීරණය විය.

මේ සියලු තීරණ ගනිද්දී රජයේ වෛද්‍ය නිලධාරීන්ගේ සංගමයේ වාරණයට ලක්වූ නිලධාරීන් කිහිප දෙනකු ද සිටියහ.

එම තීරණ අනුව ක්‍රියාත්මක වූ රෝහල් අධ්‍යක්ෂ වෛද්‍ය ෂෙල්ටන් පෙරේරා කොවිඩ් ඒකක සංශෝධනය සම්බන්ධයෙන් කායික රෝග විශේෂඥ වෛද්‍යවරුන් සමඟ සාකච්ඡාකර වාට්ටු අංක 11,15,17,21 හා 35 කොරෝනා ඒකක ලෙස අවශ්‍ය මූලික වෙනස්කම් සිදුකර භාවිතයට ගැනීමට තීරණය කර තිබිණි. එමෙන්ම ඒ වනවිට කොරෝනා වාට්ටුවක් ලෙස භාවිතයට ගනිමින් තිබූ වාට්ටු අංක 46 ඉවත් කිරීමටත්, වාට්ටු අංක 36, 25 සහ 68 තවදුරටත් එසේම පවත්වාගෙන යාමටත් තීරණය කර තිබේ.

එමෙන්ම අඩු සංකූලතා සහිත ඇවිදයාමට ළමා සහ වැඩිහිටි රෝගීන් වාට්ටු අංක 68 ට ඇතුළු කිරීමටත්, සංකූලතා සහිත හදිසි ප්‍රතිකාර ඒකක‍ය මගින් මූලික පහසුකම් ලබාදෙන රෝගීන් වාට්ටු අංක 36ට සහ අනෙකුත් සංකූලතා සහිත රෝගින් එදිනට නියමිත ඒකක වෙත යොමුකිරීමටත් තීරණය කර තිබේ. මේ පිළිබඳ රෝහල් අධ්‍යක්ෂවරයා විසින් THKA/CC/COVID/09/2021 අංකයෙන් කොවිඩ් කමිටු සම්බන්ධීකාරක විශේෂඥ කායික රෝග වෛද්‍ය ක්‍රිෂාන්ත ජයසේකර වෙත යොමුකර තිබිණි. ඒ 25 වැනි දිනයේ දී ය. සම්බන්ධීකරණ කමිටුවේ දී එළැඹි තීරණ අනුව මෙය බ්‍රහස්පතින්දා (26) වැනි දා සිට ක්‍රියාත්මක විය යුතුය.

නමුත් රජයේ වෛද්‍ය නිලධාරීන්ගේ සංගමයේ ලිපි ශීර්ෂ භාවිතා කරමින් නිලවරණය හැර වෙනත් කිසිවක් සිදුනොකරන ලෙස අධිකරණය දුන් නියෝගය පවා නොතකා හරිමින් කටයුතු කළ රජයේ වෛද්‍ය නිලධාරීවරුන්ගේ සංගමයේ සම ලේකම්වරයකු විසින්, එම තීරණ අදාල පර්ශවයන්හි එකඟතාවය මත හෝ කොවිඩ් සම්බන්ධීකාරක කමිටුව මගින් හෝ ලබාගත් තීරණ නොවන බවත්, අදාල තීන්දු හා තීරණ රෝහල තුළ ගැටලුකාරී තත්වයක් නිර්මාණය කිරීමට තුඩුදිය හැකි බවත් පවසමින් විරෝධය දක්වා ලිපියක් යවා තිබේ.

ඔවුන් පවසන්නේ එම සැලැස්ම මගින් රෝහලේ කොවිඩ් පරිපාලනය අවුල්කර තම පුද්ලික අරමුණු ඉටුකර ගැනීමට මාන බලන පිරිසක් විසින් අධ්‍යක්ෂවරයා නොමග යවන බවයි.

නමුත් තමන් කොරෝනා වාට්ටුව භාර වෛද්‍යවරයා යැයි පවසමින් බැංකු සේවකයන් ලවා බත් පැකට් බෙදීමටයැයි මුදල් එකතු කරන්නේ ද ව්‍යාපාරිකයන් සහ වෙනත් පරිත්‍යාගශීලීන් විසින් කරනු ලබන පරිත්‍යාග තම සමාජ මාධ්‍යජාලා ඔස්සේ පළ කරමින් තම පුද්ගලික ගිනුමට මුදල් බැරකරගන්නේ ද රජයේ වෛද්‍ය නිලධාරීන්ගේ සංගමයේ සාමාජික වෛද්‍යවරුන් විසිනි.

කොරෝනා රෝගීන් ඇතුළු කරන වාට්ටු සහ අනෙකුත් සත්කාරක සේවා පවත්වන වාට්ටු පිළිබඳ අදාල ප්‍රධානීන් සමඟ සාකච්ඡාකර සුදුසු තීරණයක් ගැනීමට කොරෝනා සම්බන්ධීකරණ කමිටුවේ දී එකඟවන විට නිහඬව සිටි රජයේ වෛද්‍ය නිලධාරීන්ගේ සංගමයේ වාරණයට ලක්වූ නිලධාරීන් පසුව මේ ආකාරයෙන් එම සැළසුමට විරෝධය දැක්වීම විහිළුවක් බව රෝහලේ අනෙකුත් වෘත්තීන්හි වෘත්තීය සමිති නිලදාරීහු කියති.

ඔවුන් තම පටු අරමුණු වෙනුවෙන් කොරෝනා ආසාදිතයන් බිල්ලට දෙමින් සිටිති. කරාපිටිය රෝහලේ අඩුපාඩු එමට ඇත. අපි වරින්වර ඒවා පෙන්වා දී ඇත්තෙමු. නමුත් කොරෝනා රෝගීන් කොරිඩෝවල මියයන්නේ නැත. ඔවුන්ට ලැබෙන සත්කාරක සේවාව ද අනෙකුත් රෝහල්වලට සාපේක්ෂව ඉහළ මට්ටමක ඇති බව අපි හොඳින්ම දන්නා කරුණකි.

අනෙකුත් රෝහල්වල වාර්තාවන කොරෝනා මරණ සංඛ්‍යාවට සාපේක්ෂව කරාපිටිය ශික්ෂණ රෝහලේ මියයන කොරෝනා ආසාදිතයන් සංඛ්‍යාව ද අවම බව අපට තහවුරු වී තිබේ. ඇතැම් දිනවල දී කරාපිටිය අධිකරණ අංශයට ලැබී කොරෝනා ආසාදිත බවට තහවුරු වන මළ සිරුරුවලින් 80%ක් පමණ නිවෙස්වල දී මියගිය අයයි.

කරාපිටිය ශික්ෂණ රෝහලට ඇතුළත්වන කොරෝනා ආසාදිතයන් සංඛ්‍යාව ඉහළ ගිය බැවින් රෝහලේ හදිසි තත්වයක් ද ප්‍රකාශයට පත්කළ අතර එලෙස රෝගින් වැඩිවන බැවින් වඩාත් සාර්ථක සත්කාරක සේවාවක් සඳහා ඉහත වෙනස්කම් සිදුකර තිබේ.

තමුත් රජයේ වෛද්‍ය නිලධාරීන්ගේ සංගමයේ වාරණයට ලක්වූ නිලධාරීන් දැන් එම ක්‍රියාත්මක සැළැස්ම අවුල් කරමින් සිටී. ඔවුන්ට අවශ්‍යව ඇත්තේ “අපි තමයි හොඳටම කළේ” කියා කියවා ගැනීමයට. නමුත් ඔවුන් කරන්නේ කොරෝනා ආසාදිතයන් අමාරුවේ දැමීමයි.

(මෙම ලිපිය සම්බන්ධයෙන් යම් පුද්ගලයකුට හෝ කණ්ඩායමකට අගතියක් සිදුවන්නේ නම් ඔවුන්ගේ පැහැදිලි කිරීමක් ද පළකිරීමට අපි බැඳී සිටින්නෙමු)

ඔබේ අදහස් දක්වන්න.

Latest articles

“පොලිස් බුද්ධි අංශ තොරතුරු තහවරු කරගෙන නෑ. වටේ යැවීව වරදක්” – පොලිසිය කියයි

ශ්‍රී ලංකා පොලිසියේ බුද්ධි අංශ විසින් නිකුත්කරන ලද ලිපියක් බව සඳහන් කරමින් සමාජ මාධ්‍ය ඔස්සේ සංසරණය වන ලිපියේ සඳහන් WhatsApp කණ්ඩායම සම්බන්ධ...

කොරෝනා එන්නත් අනිවාර්ය කිරීමේ නීතියක් එයි ද ?

කොරෝනා මර්ධන එන්නත ලබාගැනීම අනිවාර්ය කිරීම සම්බන්ධ නීති සම්මත කිරීමට ඉදිරියේ දී හැකිවනු ඇතැයි සෞඛ්‍ය අමාත්‍ය කෙහෙළිය රඹුක්වැල්ල අද (26) මහනුවර රෝහලේ...

සංකූලතා ඇති දරුවන්ට බස්නාහිර සියලු රෝහල්වලින් එන්නත්

විශේෂ අවශ්‍යතා ඇති සහ වෙනත් සංකූලතා ඇති වයස අවුරුදු 12-19 අතර දරුවන් සඳහා කොරෝනා මරධන ෆයිසර් එන්නත් ලබාදීම හෙට (27) සිට බස්නාහිර...

වාහන ආනයන තහනම ඉවත්කිරීමේ බලාපොරොත්තුවක් ?

ශ්‍රී ලංකාවට විදේශ විනිමය ලැබෙන ආකාරය අනුව රථවාහන සඳහා පනවා ඇති තහනම ඉවත්කිරීම සම්බන්ධව සළකා බලන බව මහ බැංකු අධිපති අජිත් නිවාඩ්...

ගාල්ලේ පාර්ලිමේන්තු මන්ත්‍රීවරයකුට කොරෝනා

ගාල්ල දිස්ත්‍රික් පාර්ලිමේන්තු මන්ත්‍රී චන්දිම වීරක්කොඩි කොරෝනා ආසාදිත බව තහවුරු වී ඇතැයි වාර්තා වේ. ඔහු මේ වනවිටත් ප්‍රතිකාර සඳහ...

“පාසල් විවෘත කළත් උගන්වන්නේ නෑ” ගුරු විදුහල්පතිවරු කියති

රජය විසින් පාසල් විවෘත කළ ද තම ගැටලු සඳහා විසඳුම් ලබාදෙන තුරු ඉගැන්වීම් සිදු නොකරන බව ගුරු විදුහල්පති සංගම් ‍එකමුතුව පවසයි.

රට විවෘතකරන දිනය සෞඛ්‍ය ඇමති කියයි

දැඩි සීමාවන්ට යටත්ව ලබන ඔක්තෝබර් මස 01 වැනි දා රට විවෘත කිරීමට බලා‍පොරොත්තු වන බව සෞඛ්‍ය අමාත්‍ය කෙහෙළිය රඹුක්වැල්ල පවසයි.

පළාත් පාලන නිල කාලය දික්කර පුංචි ඡන්දය කල් දැමෙයි ?

පළාත් පාලන ආයතනවල නිල කාලය 2022 පෙබරවාරි 10 වැවනි දා අවසන් වීමට නියමිතව තිබුණ ද එම කාලය විෂය භාර අමාත්‍යවරයාගේ බලතල අනුව...

ත්‍රිපෝෂ බෙදාහැරීමට නොහැකිව ගබඩාවල ගොඩගැහිලා

ත්‍රිපෝෂ බෙදාහැරීමට නොහැකිවීම හේතුවෙන් ත්‍රිපෝෂ පැකට් එක්කෝටි පනස් ලක්ෂයක් පමණ ගබඩාවල ගොඩගැසී ඇතැයි ත්‍රිපෝෂ සමාගමේ සභාපති දීප්ති කුලරත්න පවසයි.

“මැණිකේ මගේ හිතේ” ගීතය ලොව ජනප්‍රියම ගීත 10 අතරට එයි

යොහානි ද සිල්වා ගායනා කළ “මැණිකේ මගේ හිතේ” ගීතය මේ වනවිට ලොව ප්‍රසිද්ධ ගීත දර්ශකවල ජනප්‍රියම ගීත 10 අතරට පත්ව තිබේ. මෙම...
Back
Free WhatsApp News
Free Viber News
Messenger
Email
error: Content is protected !!