පෘතුගාලයේ කොවිඩ් වසංගතය දරුණු ලෙස පැතිරයන බැවින් ආපදා තත්ත්වයක් ප්‍රකාශයට පත්කිරීමට එරට රජය තීරණය කර තිබේ. අගමැති ඇන්ටෝනියෝ කොස්තා බදාදා පැවැති කැබිනට් රැස්වීමෙන් පසු මාධ්‍ය හමුවේ අදහස් දක්වමින් එසේ කීවේය.
ආපදා තත්ත්වය ප්‍රකාශයට පත්කරමින් අගමැතිවරයා වැඩිදුරටත් කියා සිටියේ එවැනි තත්ත්වයක් ප්‍රකාශයට පත්කිරීමෙන් වයිරසය පාලනය කිරීමට අතිරේක ක්‍රියාමාර්ග ගැනීමට රජයට සුවිශේෂී බලතල ලැබෙන බවයි.
ඒ අනුව පොදු ස්ථානයන් පුද්ගලයන් එක්රැස්වීම පස් දෙනකුට නොවැඩි ලෙස පාලනය කිරීමටත්, පාසල් සහ විශ්වවිද්‍යාල වැනි ආයතනයන්හි සැමරුම් හා අනධ්‍යයන කටයුතු පවා නවතා දැමීමට හැකි බවත් මංගල උත්සව බෞතීස්ම වැනි පවුල් උත්සව උපරිම අමුත්තන් 50කට සීමා කිරීමටත් හැකි බව අගමැතිවරයා කීවේය.
