නිවුන් ‍දරුවන්ගේ ශෝකාන්තය රටට ම පාඩමක් විය යුතුයි

පුවත්

ගැඹුරු මුහුදේ දී බෝට්ටුවකට නැගී දින 12ක් තිස්සේ ගාල්ලට ආ අපූරු අමුත්තා

ශ්‍රී ලංකාව ආසන්නයෙන් ඉතාමත් කලාතුරකින් වාර්තාවන දුර්ලභ මුහුදු පක්ෂියකු ධීවර බෝට්ටුවක නැගී දින 12ක ගමනකින් පසු ගාල්ල ධීවර වරායට අද (01) පැමිණ...

ලොවට ආදර්ශයක් වෙමින් සමනලයන් ගැන පර්යේෂණ කරන ගාල්ලේ පාසල් සිසුවා

ඔහු තවමත් පාසල් වයසේ පසුවන්නෙක්. අහංගම රෝහණ මහා විද්‍යාලයේ ඉගෙනුම ලබන අනූප ඉන්දුම නම් ඔහු කුඩා කාලයේ සිට සතුන්ට දැක්වූයේ අසීමිත ආදරයක්....

අධ්‍යාපන ඇමති දරුවන්ට පරිගණක දුන්නේ ඡායාරූප ගැනීමට පමණක් ද ?

අධ්‍යාපන අමාත්‍ය ජී.එල්.පීරිස් පැමිණ කළුතර වලල්ලාවිට දොඩම්පාපිටිය කණිෂ්ඨ විද්‍යාලයේ සිසුන්ට පරිත්‍යාග කරන ලද ලැප්ටොප් පරිගණක යන්ත්‍ර කිහිපයක් ඡායාරූප ගැනීමෙන් පසු ඒ මොහොතේම...

“අතවරය නවතන්න”

ළමා හා කාන්තා අපයෝජනයට එරෙහිව අද (22) කිලිනොච්චියේ දී නිහඬ විරෝධතාවක් පැවැත්විණි.

විදෙස්

දරුවන්ගේ විනෝදය සහ සතුට වෙනුවෙන් දෙමාපිය වැඩහිටියෝ ඕනෑම දෙයක් කරති. මෙවැනි අවස්ථාවල දී දෙමාපිය වැඩිහිටි‍යන්ගේ අදහස වන්නේ තමන් සමඟ සිටින විට දරුවන් ආරක්ෂිත බවයි. නමුත් එක් නිමේෂයක වන සුළු වැරදීමකින් දරුවන්ට පමණක් නොව වැඩිහිටියන්ට පවා තම ජීවිතය අහිමිවී යා හැකි බව පසුගිය දා බලපිටියේ දූව මෝදර දී සනාථ විය.

ඒ වයස අවුරුදු 06ක් වූ නිවුන් දරුවන් සමඟ ඔවුන්ගේ සීයා ද දියේ ගිලී මියයාමෙනි.

කොස්ගොඩ ප්‍රදේශයත්, ගාල්ලේ දඩල්ල ගම්මානයත් හඬවමින් රටේ සියලු දෙනාට දුක්බර පුවතක් ගෙන එමින් ඔවුහු අවසන් ගමන් ගියහ.

දැන් ඒ පිළිබඳ දුක් ගී ලියා වැඩක් නැත. එකම මව් කුසක එකට වර්ධය වී විනාඩි කිහියක පරතරයකින් මෙ‍ළොව එළිය දුටු මේ අයියා මලෝ දෙදෙනා එකටම අවසන් ගමන් ගියේ ඔවුන්ට සිය පනටත් වඩා ආදරය කළ සීයා ද සමගිනි.

“දැන් නෑවා ඇති නේද පුතේ. ගෙදර යමු. නැත්නම් අම්මගෙන් ගුටිකන්න වෙන්නේ” යැයි සීයා පවසද්දී

“අනේ සීයේ තව ටිකක් නාමු” යැයි කී මේ දරුවන් දෙදෙනා ඉන් මොහොතකට පසු සතුට සහ විනෝදය ඛේදවාචයක් බවට පත්කරමින් ජීවිතයෙන් සමුගනු ඇතැයි ඒ සීයා ද සිතන්නට නැත. දරුවන් බේරාගැනීම සඳහා දියට පැන්න සීයා ද ඔවුන් සමඟ අවසන් ගමන් ගියේය.

පසුගිය සෙනසුරාදා (10) මේ සිද්ධිය වූ දිනය ශ්‍රී ලංකාවේ මුහුදු තීරයේ දැඩි සුළං තත්ත්වයක් ඇති බවත් දිය නෑමෙන් සහ ධීවර කටයුතු සඳහා මුහුදු යාමෙන් ද වළකින ලෙස කාලගුණ විද්‍යා දෙපාර්තමේන්තුව අනතුරු අඟවා තිබූ දිනයකි. දවස පුරාම පළාත් කිහිපයක ම තද සුළං හමා ගිය අතර කඩින් කඩ වැසි ඇතිවිය.

මෙලෙස ජීවිතය අහිමි වූයේ ගාල්ලේ දඩල්ලේ පදිංචි දිලිප් රෝහාන් කන්දඋඩ මහතාගේ සහ අගම්පොඩි චාමලී සෙව්වන්දි මැන්දිස් මහත්මිය යන දෙදෙනාගේ නිවුන් දරුවන් වූ සතික සත්සිඳු සහ සමිත සත්සිඳු යන දරුවන් දෙදෙනාය.

මියගිය සීයා කොස්ගොඩ පදිංචි අගම්පොඩ ඉන්දික රාජ්කුමාර මෙන්ඩිස් (62) ඔරු කිහිපයක ද හිමිකරුවකු වන ඔහු ගඟ දිය හොඳට හුරු පුරුදු පිහිනීමේ ද දක්ෂයෙකි.

ගාල්ලේ තරමක් නාගරික පරිසරයක ජීවත් වන මේ දරු දෙදෙනා ශාන්ත ඇලුවීෂියස් විද්‍යාලයේ මෙවර පළමු වසරට ඇතුළු වූයේ දෙමාපියන්ගේ බලාපොරොත්තු මල්ඵල ගන්වමිනි. කෙළිලොල් දඟකාර වියේ පසුවූ මේ නිවුන් අයියා ම‍ලෝ දෙදෙනා පාසලේ දන්නා හඳුනන සැමගේත්, ගමේ අසල්වැසියන්ගේත්, පවුලේ ඥාතීන්ගෙනත් ආදරය දිනාගත් දෙදෙනෙකි.

ඔවුන්ගේ දඟකාර කෙළිලොල් ක්‍රියාවන් සහ හුරතල් කතා බහ ඔවුන්ගේ දුටු කිසිවෙකුට අමතක නැත. ඒ නිසාම හදිසියේ ම සිදුවූ මේ අනතුර කිසිවෙකුට දරාගත නොහැකි වේදනාවක් බවට ම පත්විය.

ඔවුන්‍ දෙදනොගේ මව කොස්ගොඩ දූවමෝදර ආසන්නයේ උපතලැබූවෙකි. දූවමෝදර යනු ගඟත් මුහුදත් ආසන්නයේ පිහිටි ඉතාමත් සුන්දර ගැමි පරිසරයකි. මේ පරිසරයට දරුවන් දෙදෙනා බෙහෙවින් ඇළුම් කළහ. ඒ නිසාම අම්මාගේ ගමට ගොස් දින කිහිපයක් ගත කිරීම ඔවුන්ගේ ආශාවකි.

සිකුරාදා (09) ඔවුන් අම්මාගේ ගමට ගියේ අම්මාත්, මාමාත් සමගිනි. පුද්ගලික ආයතනයක සේවය කරන ඔවුන්ගේ පියාට වැඩ රාජකාරී බහුල වීම හේතුවෙන් මේ ගමනට එක්වීමට හැකිවූයේ නැත.

පසු දා දහවල් මේ දරුවන්ට ගඟේ නෑමට අවශ්‍ය වී තිබිණි.

උදෑසන 10.00 පමණ වනතුරු Online පන්තිවලට සහභාගී වූ අයිය මලෝ දෙදෙනා සිය සීයා ද සමඟ ගඟට ගියහ. ඔවුන් සමඟ තවත් ඥාතියෙකු ද සිටියේය. දරුවන් තම පියා සමඟ ගඟ දෙසට ගිය පසු චාමලී සෙව්වන්දි මහත්මිය ද තම මව සමඟ ඒ දෙසට ගියාය.

මෙම සිද්ධිය ඇසින් දුටු අගම්පොඩි සෙනරත් මැන්දිස් මහතා (47) මෙසේ කීවේය.

“ දරුවන් දෙදෙනා එක්ක මමත්, මියගිය ඉන්දික අයියාත් ගඟ අසළට යනවිට ‍දවල් දොළහ පහුවෙලා. අපි පුහු පොල් ගෙඩි දෙක දෙක එකතු කරලා ගැටගහලා දරුවන් දෙන්නට ඒවා අල්ලගෙන පීනන්න දුන්නා. මේ දෙන්නා ගඟට බැහැලා නාන හැටි අපි ගොඩට වෙලා බලාගෙන හිටියා. එතන ඉන්දික අයියට අයිති ඔරු දෙකක් තිබුණා. එක ‍දරුවෙක් කීවා සීයේ ඔරුවේ යමු කියලා. ඊට පස්සේ දරුවෝ දනේනා ගොඩට ඇවිත් ඔරුවේ නැග්ගා. මමත් ඔරුවේ නැගලා අපි හතර දෙනාම ගඟට ගියා.”

ගං දියට මෙලෙස ඔරුවේ නැගී ගිය ඔවුන් ඉවුරට මීටර 20ක් පමණ දියට ගිය ඔවුන් දියේ ලීයක් සිටවා ඔරුව එහි ගැටගසා තිබේ. එම ස්ථානයේ වතුර තිබී ඇත්තේ දරුවන්ගේ උරහිස් ප්‍රමාණයට බව ද සෙනරත් සිය සාක්ෂියේ දී පවසා ඇත. ඔරුවේ සිට ගඟට පනිමින් නැවත ඔරුවට නඟිමින් ගඟට පනිමින් මහත් සේ විනෝද වන දරු දෙදෙනාගෙන් මියගිය සීයා ඒ අවස්ථාවේ දී “දැන් නෑවා ඇති නේද ? අපි ගෙදර යමු” යැයි ද විමසා තිබේ. නමුත් දරු දෙදෙනා ඊට එකඟ වී නැත.

“දැන් අම්මලත් එනව ඇති. අම්ම ඔයාටල ගහයි” යනුවෙන් ද සීයා පවසා තිබේ.

නමුත් ඔවුන් එය ගණනකට ගෙන නැත.

මේ අවස්ථාවේ දරුවන්ගේ මව සහ අත්තම්මා ද ගං ඉවුරට පැමිණ පුටු දෙකක වාඩි වී දරුවන් දෙස බලා සිටි බව සෙනරත් පවසයි.

“මේ වෙලාවේ සුළං පාරක් ඇවිත් ඔරුව ගැටගහලා තිබුණු ලීයෙන් ගැලවිලා පාවෙන්න ගත්තා. ඉන්දික අයියයි මමයි හිටියේ ඔරුවේ. පොඩි දෙන්නා පුහු පොල්ගෙඩිත් එක්කම දියේ ගැඹුරු පැත්තට ගහගෙන ගියා. ඉන්දික අයියා පොඩි එක්කෙනෙක්ව අල්ලගත්තා. ඒත් එයත් එහෙමම ගහගෙන ගියා. අයියයි දරුවො දෙන්නයි නොපෙනී ගියා. මේ එක්කම ගොඩ හිටපු දරුවන්ගේ අම්මා ගඟට පැන්නා. එතැන ගැඹුරුයි මම එයත් අරගෙන ගොඩට ආවා. තුන්දෙනාම ගිලුණේ මගේ ඇස් පනාපිටම.” යැයි සෙනරත් මේ බිහිසුණු සිද්ධිය විස්තර කළේය.

“දරුවෝ දෙන්නා මගේ තාත්තත් එක්ක නාන්න ගඟට ගිය නිසා මායි අම්මයි එයාලව බලන්න ගඟ ළඟට ගියා. ඒ අය නාමින් ඉන්නවා. තාත්තා වතුරේ බැහැලා දරුවන්ට පීනන හැටි පෙන්වමින් හිටියේ. ලොකු පුතා මාව දැකලා අම්මේ කියලත් කිව්වා. අපි පුටු දෙකක වාඩිවෙලා බලාගෙන හිටියා. අම්මයි මමයි කතා කර කර ඉන්නවිට රුව බාප්පා (සෙනරත්) ලොකු අයියේ කියලා කෑ ගැහුවා. අපි ඒ පැත්ත බලනකොට තාත්තා දරුවෝ දෙන්නාව බදාගන්නවා වගේ දැක්කා. තාත්තා එක්කෙනෙක් උඩට ගත්තා. ඒත් තුන්දෙනාම නැවත යට ගියා. මමත් ගඟට පැන්නා. බාප්පා කෑ ගැහුවා ඔතන ගැඹුරුයි ගිලේවි කියලා. බාප්පා හිටියේ ඔුරුවේ ටිකකින් එයත් ගඟට පැනලා ගොඩට ආවා මමත් ගිලෙන්න ගියා. අමාරුවෙන් ගොඩට ආවේ. බාප්පා කට්ටිය එක්කගෙන එන්නම් කියලා ගියා. ගමේ අය ගොඩක් ආවත් දරුවා සෙයා ගන්න බැරිවුණා. පස්සේ පොලිසිය දැනුම්වත් කරලා නාවික කට්ටිය ඇවිත් තමයි දරුවන් දෙන්නයි තාත්තයි සොයාගත්තේ. එතකොට සවස හතර විතර වෙලා තිබුණා.”

දරුවන්ගේ මව සිද්ධිය විස්තර කළාය.

සිද්ධිය සැළ වූ වහාම දරුවන්ගේ පියා ද එතැනට පැමිණියේය. නාවික හමුදාවේ කිමිදුම් කණ්ඩායමක් විසින් දරුවන්ගේ සිරුරු සහ සීයාගේ සිරුර ගොඩගත් අවස්ථාවේ දී තවමත් දරුවන්ගේ නාඩි වැටෙන බව පවසමින් ඥාතීන් කෑ ගසන්නට වූයෙන් දරුවන්ගේ සිරුරු බලපිටිය රෝහලට රැගන යන ලදී. නමුත් බලපිටිය රෝහලේ වෛද්‍යවරු පවසන්නේ පැය තුනකට වැඩි කාලයක් ජලයේ ගිලී සිටි දරුවන් දෙදෙනා රෝහලට රැගෙන එනවිටත් මියගොස් සිටි බවයි.

මෙම සිද්ධිය සම්බන්ධයෙන් හදිසි මරණ පරීක්ෂක පරාක්‍රම අකරැටියගම මහතා විසින් මරණ පරීක්ෂණය පැවැත්වූ අතර මෘත දේහ පීසීආර් පරීක්ෂණවලට ලක්කිරීමෙන් විශේෂඥ අධිකරණ වෛද්‍ය නිලධාරී එස්.ඩී.එස්. දන්ගහවත්ත මහත්මිය විසින් කරන ලද පශ්චාත් මරණ පරීක්ෂණ වාර්තාව සහ ඉදිරිපත් වූ සාක්ෂි සැළකිල්ලට ගත් හදිසි මරණ පරීක්ෂකවරයා මෙම තිදෙනාම දියේ ගිලීමෙන් මරණයට පත්ව ඇති බව තීරණය කළේය.

ගාල්ල කරාපිටිය ශික්ෂණ රෝහලේ විශේෂඥ ළමා රෝග වෛද්‍ය නයනා ලියනාරච්චි මහත්මිය විසින් අනතුරට පත්වී රෝහල්ගතවන ළමුන් ආශ්‍රයෙන් සිදුකරන ලද සමීක්ෂණයකින් අනාවරණය වී ඇත්තේ දරුවන් වැඩිපුරම අනතුරට ලක්වන්නේ ඔවුන්ගේ දෙමාපියන් හෝ සමීපත ම වැඩිහිටියන් සමඟ සිටින අවස්ථාවන්වල දී බවයි.

“ ඇය පවසන්නේ දරුවන් දියට හුරුකළ යුතු වුව ද මෙවැනි අනතුරුදායක ස්ථානවල දී දරුවන්ට දිය නෑමට දීම අනතුරකට අතවැනීමක් බවයි. එමෙන් ම කාලගුණ විද්‍යා දෙපාර්තමේන්තුව පවා අනතුරු අඟවා තිබූ දිනයක මෙලෙස කටයුතු කිරීම අනුමත කළ නොහැකියැයි ද ඇය පවසයි. තමන්ට සිදුවිය හැකි අනතුරක් පිළිබඳ දරුවන්ට වැටහීමක් නොමැති වුව ද දෙමාපිය වැඩිහිටියන් එය තේරුම්ගෙන කටයුතු කිරිමෙන් මෙවැනි අනතුරු වළක්වාගැනීමට හැකියාව ඇති බව ද වෛද්‍ය නයනා ලියනාරච්චි මහත්මිය කියා සිටියාය.”

ඇය පවසන්නේ ඉතාමත් දුක්ඛදායක මේ සිදුවීමෙන් සමස්ත රටම සියලු දෙමාපියන්ම පාඩමක් උගත යුතු බවයි.

(සජීව විජේවීර)

ඔබේ අදහස් දක්වන්න.

Latest articles

බද්දේගම ප්‍රාදේශීය සභා මන්ත්‍රිනියකට කොරෝනා. එන්නත් විදින තැනටත් ගිහින්

බද්දේගම ප්‍රාදේශීය සභාවේ මන්ත්‍රීවරියක වන සුසන්තා ජයසූරිය කොරෝනා ආසාදිත බව අද (02) තහවුරු වූ බව සෞඛ්‍ය අංශ පවසයි. ඇය...

කොරෝනා පිළිබඳ යථාර්ථයට මුහුණ දෙමු. බිහිසුණු ඇත්ත මෙන්න

කොරෝනා වයිරසයේ ඩෙල්ටා ප්‍රභේදය හේතුවෙන් ශ්‍රී ලංකාව ඉදිරියේ දී වඩාත් අසීරු මට්ටමකට පත්වනු ඇති බව කොළඹ අයි.ඩී.එච්.රෝහලේ ආසාදන පාලන සහ කායික රෝග...

කිරිපිටි හිඟයක්. විකල්පයක් නැති බව ඇමති බන්දුල කියයි

ශ්‍රී ලංකාවේ කිරිපිටි හිඟයක් ඇතිවෙමින් පවතී. වෙළෙඳුන් පවසන්නේ කිරිපිටි සමාගම් බොහොමයක අවශ්‍ය තරම් තොග නොමැති බවයි. කොළඹ සහ තදාසන්න...

ගුරු – විදුහල්පති සංගම් අධ්‍යාපන ලේකම්ගේ නියෝග නොතකයි

විදුහල්පතිවරු, ගුරුවරු සහ පාසල් අනධ්‍යයන කාර්ය මණ්ඩල හෙට (02) වැනි දින සේවයට කැඳවා ඇතත් අධ්‍යාපන අමාත්‍යාංශ ලේකම්වරයාගේ එම උපදෙස් අනුව කටයුතු නොකරන...

දකුණේ කොරෝනා අවදානම වැඩිවෙයි. රෝගීන් 133%කින් වර්ධනය වෙලා

දකුණු පළාතෙන් පසුගිය දින 05ක දී කොරෝනා ආසාදිතයන් 1996 දෙනකු වාර්තා වී තිබේ. පසුගිය ජුනි මාසයේ 28, 29,30,31 සහ අද (අගෝස්තු 01)...

රත්නපුරයෙන් අතුරුදන් වූ දරුවා දින 08කට පසු රිදීගමින් හමුවෙයි

රත්නපුරයේ, මලංගම නිවසකින් පසුගිය 24 වැනි දා සිට අතුරුදන්ව සිටි 14 හැවිරිදි පිරිමි දරුවා අද (01) සවස කුරුණෑගල රිදියගම පොලිස් මාර්ග බාධකයක...

ගුරුවරු, විදුහල්පතිවරු ඇතුළු දෙනා හෙට සිට සේවයට කැඳවලා

අධ්‍යාපන ක්ෂේත්‍රයේ අධ්‍යයන හා අනධ්‍යයන කාර්ය මණ්ඩලවල සියලු දෙනා රජයේ සේවකයන් යළි සේවයට කැඳවීමේ ‍චක්‍රලේඛය අනුව හෙට සිට කටයුතු කිරීම අවශ්‍ය බව...

කොලේ වසා ගහන “ත්‍රිපිටක පනත”. සම්බුද්ධ ශාසනයට වසර 2500යි. පාලනයට නීති හදන්නේ පැය 06කින්

මේ පිළිබඳ බුද්ධශාසන, ආගමික හා සංස්කෘතික කටුයුතු අමාත්‍යාංශයේ ලේකම් මහාචාර්ය කපිල ගුණවර්ධනගෙන් විමසූ විට හෙතෙම කියා සිටියේ කෙටුම්පත් කරන ලද පනත භික්ෂූන්...

ගැඹුරු මුහුදේ දී බෝට්ටුවකට නැගී දින 12ක් තිස්සේ ගාල්ලට ආ අපූරු අමුත්තා

ශ්‍රී ලංකාව ආසන්නයෙන් ඉතාමත් කලාතුරකින් වාර්තාවන දුර්ලභ මුහුදු පක්ෂියකු ධීවර බෝට්ටුවක නැගී දින 12ක ගමනකින් පසු ගාල්ල ධීවර වරායට අද (01) පැමිණ...

හූනියමක් කපන්නට ගිහින් තරුණියකට හා කතකට අතවර කළ කට්ටඩියෙක් අත්අඩංගුවට

නිවසක් ආරක්ෂාකිරීමට බව පවසමින් ශාන්තිකර්මයක් කිරීමට පැමිණ 19 හැවිරිදි තරුණියකට හා 45 හැවිරිදි කාන්තාවකට ලිංගික අතවර කළ කට්ටඩියකු අත්අඩංගුවට ගත් බව හාලිඇල...
Back
Free WhatsApp News
Free Viber News
Messenger
Email
error: Content is protected !!