ගිනිගත් නැවේ බොරුව අධිකරණයේ දී දිගහැරේ

පුවත්

ගොවීහු කෘෂිකර්ම ඇමති සොහොන් පිටියක වළලති. ඇමති පණ පිටින්

මාස් කන්නයේ වී වගාවට අවශ්‍ය පොහොර ලබාදෙන ලෙස ඉල්ලා උද්ඝෝෂණයක නිරත වූ ගොවිහු පිරිසක් කෘෂිකර්ම අමාත්‍ය මහින්දානන්ද අළුත්ගමගේ ලෙස සැකසූ පිළිරුවක් මළ...

දෙරණට ශබ්ද උපකරණ ගෙනයන ලොරියක කාරයක් හැපී රථ දෙකම ගිනිගනී (වීඩියෝ සහිතයි)

දෙරණ නාලිකාවේ වැඩසටහනකට අවශ්‍ය ශබ්ද උපකරණ ප්‍රවාහනය කරමින් තිබූ ලොරියක් දෙල්කඳ ප්‍රදේශයේ නවතා තිබිය දී ඊයේ (10) රාත්‍රී එහි ගැටුණු කාරයක් ගිනිගෙන...

මහ වැස්සෙන් මන්නාරමේ ජන ජීවිතය අඩාල වෙයි

මහ වැසි හේතුවෙන් මන්නාරම දිස්ත්‍රික්කයේ ප්‍රදේශ කිහිපයක ජලගැලීම් සිදුව තිබේ. මේ හේතුවෙන් සාමාන්‍ය ජනජීවිතය ද අඩාල වී ඇතැයි ආපදා කළමනාකරණ දෙපාර්තමේන්තුව පවසයි.

කණ්ඩලම වැවේ දූපත්වලින් හමුවූ අබිරහස් (වීඩියෝ)

දඹුල්ලේ කණ්ඩලම වැවේ පිහිටි දූපතකින් නටඹුන් වී ගිය ගොඩනැගිල්ලක අවශේෂ හමුවූ බවත් තවත් දූපතක කුරුල්ලන් මරා මස් කිරීමේ ජාවාරමක සළකුණු හමු වූ...

විදෙස්

X-Press Pearl නෞකාව ශ්‍රී ලංකා මුහුදු තීරයට ඇතුළුවීමේ දී එහි දේශීය නියෝජිත සමාගම විසින් පරස්පර විරෝධී ප්‍රකාශ සහ අසත්‍ය තොරුතරු ලබා දී ඇතැයි අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි නියෝජ්‍ය සොලිස්ටර් ජනරාල් මාධව තෙන්නකෝන් අධිකරණය හමුවේ අනාවරණය කළේය.

කොළඹ අතිරේක මහේස්ත්‍රාත් ශලනි පෙරේරා හමුවේ මෙම කරුණු ඉදිරිපත් කරමින් ඔහු කියා සිටියේ අනතුරට පත් නැවේ දේශීය නියේජිතයා වශයෙන් කටයුතු කළ සී‍ කොන්සෝටියම් ලංකා පුද්ලික සමාගම විසින් ඔවුන් සහ එම නැවේ කපිතාන්වරයා සමඟ හුවමාරු වූ ඊමේල් පණිවිඩ පරීක්ෂා කිරීමට එම ඊමේල් දත්ත ගබඩාව අපරාධ පරීක්ෂණ දෙපාර්තමේන්තුවට ලබාදෙදන ලෙසයි. එමෙන්ම අදාල නෞඛාවෙන් ලබාගත් එහි කළු පෙට්ටිය හෙවත් VDR උපකරණය රජයේ රස පරීක්ෂකවරයා වෙත යොමුකර වාර්තාවක් ගන්නා ලෙස ද මහේන්ත්‍රාත්වරිය අපරාධ පරීක්ෂණ දෙපාර්තමේන්තුවට නියම කර තිබේ.

නියෝජ්‍ය සොලිස්ටර් ජනරාල්වරයා අධිකරණය හමුවේ කරුණු දක්වමින් කියා සිටියේ ගිනිගත් නැව මෙරට මුහුදු සීමාවට ඇතුළු වීමේ දී සත්‍ය වසන්කර පරස්පර විරෝධී ප්‍රකාශ ලබාදී ඇති බවයි. නැවේ රසායනික නැවේ කාන්දුව මැයි 10 වැනි දා සිට සිදුව ඇති බවත් විමර්ශනවලින් අනාවරණ්‍ය වූ බව නියෝජ්‍ය සොලිස්ටර් ජනරාල්වරයා කීවේය. මේ හේතුවෙන් එම නෞඛාව කිසිදු රටකට ඇතුළුවීමට නුසුදුසු තත්ත්වයක ඇති බව දන්නා කපිතාන්වරයා ඇතුළු කාර්ය මන්ඩලය අසථ්‍ය කරුණු ඉදිරපත් කර ඇති බවත් හෙතෙම කීවේය.

නෞකාවක් කිසියම් වරායට ඇතුළු වීමට පෙර එහි හානිකර ද්‍රව්‍ය පවතින බවට ප්‍රකාශයක් සිදුකළ යුතු බව පෙන්වා දුන් නියෝජ්‍ය සොලිසිටර් ජෙනරාල්වරයා එම නෞකාව සම්බන්ධයෙන් එහි දේශීය නියෝජිතායතනය මැයි මස 19 වනදා හාබර් මාස්ටර්වරයා වෙත සිදුකර ඇති ප්‍රකාශය තුළින් අදාළ නෞකාව තුළ අනතුරුදායක ද්‍රව්‍ය පැවැතිය ද ඒවා ජාත්‍යන්තර ප්‍රමිතීන්ට අනුව අසුරා ඇති බව පවසා ඇතැයි සඳහන් කළේය. මේ වනවිටත් එහි කාන්දුව සිදුවෙමින් තිබී ඇත.

එලෙස ව්‍යාජ තොරතුරු සැපයූ දේශීය නියෝජිත සමාගම ඊට පසුදින නෞකාව තුළ ගින්නක් පවතින බව දන්වමින් හාබර් මාස්ටර්වරයා වෙත වෙත ප්‍රකාශයක් ලබාදීම ගැටලු සහගත බව පෙන්වා දුන් නියෝජ්‍ය සොලිසිටර් ජෙනරාල්වරයා එය සත්‍ය වසන් කිරීමක් බවද කියා සිටියේය.

එමෙන්ම එම නෞකාව මෙරටට ඇතුළුවීමට අදාළව නෞකාවේ කපිතාන්වරයා විසින් දේශීය නියෝජිත සමාගම වෙත යොමු කරන ලද e-mail පණිවිඩ කීපයක් එම ආයතනයේ සේවය කරන පුද්ගලයෙකුගේ මෙහෙයවීමෙන් මකා දමා ඇති බවත් ඒ පිළිබඳව විමර්ශන සිදුකරන බවත් නියෝජ්‍ය සොලිස්ටර් ජනරාල්  මාධව තෙන්නකෝන් අනාවරණය කළේය.

මෙම කරුණු අනාවරණය කරමින් ඔහු වැඩිදුරටත් ඉල්ලා සිටියේ නැවේ දේශීය නියෝජිත සමාගමේ කළමනාකාර අධ්‍යක්ෂවරයා ඇතළු හත්දෙනකු සැකකරුවන් ලෙස නම්කර ඔවුන් අධිකරණය හමුවට කැඳවීම සඳහා නොතීසි නිකුත් කරන ලෙසයි.

කෙසේ වෙතත් නෞකාවේ ප්‍රධාන ඉංජිනේරුවරයා සහ සහායක ඉංජිනේරුවරයා වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් තම සේවාදායකයින් සත්‍ය වසන් කරමින් ශ්‍රී ලංකා මුහුදු සීමාවට ඇතුළුවී ඇති බවට පැමිණිල්ල විසින් එල්ල කර තිබෙන චෝදනාව ප්‍රතික්ෂේප කරන බව සඳහන් කළේය.

එම ඉල්ලීමට විරෝධය පළ කළ දැනට සැකකරුවන් වශයෙන් නම් කර සිටින අදාළ නෞකාවේ ප්‍රධාන සහ දෙවන ඉංජිනේරුවරයා යන අය වෙනුවෙන් පෙනී සිටි ජනාධිපති නීතිඥ සරත් ජයමාන්න එම නඩුකරය විභාග කිරීමට මහෙස්ත්‍රාත් අධිකරණයට බලයක් නොමැති බවත් එය මහාධිකරණය විසින් සිදුකළ යුතු කටයුත්තක් බවත් පෙන්වා දුන්නේය.

ඉදිරිපත් වූ කරුණු සලකා බැලූ කොළඹ අතිරේක මහෙස්ත්‍රාත්වරිය එම පුද්ගලයින් සැකකරුවන් වශයෙන් අධිකරණය හමුවට කැඳවීම සඳහා නොතිසි නිකුත් කිරීමට තමන්ට අධිකරණ බලයක් නොමැති බව තීන්දු කරමින් නියෝජ්‍ය සොලිස්ටර් ජනරාල්වරයාගේ ඉල්ලීම ඉවත දැමුවාය.

මෙහිදී අපරාධ පරීක්ෂණ දෙපාර්තමේන්තුව කළ ඉල්ලීමක් පිළිගත් අතිරේක මහෙස්ත්‍රාත්වරිය අනතුරට පත්ව ඇති නෞකාව තිබෙන ප්‍රදේශයට අවශ්‍ය ආරක්ෂාව ලබාදීමට පියවර ගන්නා ලෙස නාවික හමුදාපතිවරයාට නියෝග කළ අතර ඊමේල් දත්ත ගබඩාව අපරාධ පරීක්ෂණ දෙපාර්තමේන්තුවේ විමර්ශනයට භාර දෙන ලෙස ද නියෝග කළාය.

මෙම පැමිණිල්ල යළි ලබන 15 වැනි දා කැඳවීමට ද නියෝග කෙරිණි.

ඔබේ අදහස් දක්වන්න.

Latest articles

කළු දිලීර රෝගය වැළඳුණු කොරෝනා ආසාදිතයෙක් ගාල්ලේ දී මියගිහින්

කොරෝනා ආසාදනය වී මියගිය පුද්ගලයකුට කළු දිලීර රෝගය හෙවත් මියුකෝමයිකෝසිස් වැළඳී ඇතැයි තහවුරු වූ බව කරාපිටිය ශික්ෂණ රෝහලේ අධිකරණ වෛද්‍ය අංශය පවසයි.මෙලෙස...

Expo Lanka වටිනාකම බිලියන 400 ඉක්මවූ මෙරට පළමු සමාගම බවට පත්වෙයි

කොළඹ ‍කොටස් වෙළෙඳ පොළ ඉතිහාසයේ වාර්තා අලුත් කරමින් Expo Lanka සමාගමේ සමස්ත වත්කම් රුපියල් බිලියන 400 ඉක්මවා අද (22) වාර්තා විය.

මළ සිරුරක් ඉල්ලා හදිසි මරණ පරීක්ෂකට පහරදීලා

මළ සිරුරක් ඉක්මණින් ලබාදෙන ලෙස ඉල්ලා කිසියම් පිරිසක් විසින් හදිසි මරණ පරීක්ෂකවරයකුට පහර දී ඇතැයි පොලිසිය කියයි. මෙලෙස...

ප්‍රාදේශීය සභාවේ සභාපති කොරෝනා සෑදී මරුට

යාපනයේ කරෙයිනගර් ප්‍රාදේශීය සභාවේ සභාපති එස්.කේතිස්වරන් කොරෝනා ආසාදිතව මියගිය බව සෞඛ්‍ය අංශ පවසයි. සභාපතිවරයා යාපනය ශික්ෂණ රෝහලේ ප්‍රතිකාර...

එන්නත්වලටත් මර්ධනය නොවන “ඩෙල්ටා ප්ලස්” ශ්‍රී ලංකාවේ පැතිරීමේ අවදානමක් ?

කොරෝනා වයිරසයේ තවත් ප්‍රභේදයක් ලෙස හඳුනාගෙන ඇති Delta + (ඩෙල්ටා ප්ලස්) ප්‍රභේදය ලෝකය පුරා රටවල් රැසක සීඝ්‍රයෙන් ව්‍යාප්තවෙමින් පවතින බවත් එය ශ්‍රී...

IOC පෙට්‍රල් සහ ඩීසල් මිල වැඩිකරයි

ලංකා ඉන්දියන් ඔයිල් සමාගම ඔක්ටේන් 92 වර්ගයේ පෙට්‍රල් ලීටරයක් සහ ඩීසල් ලීටරයක් අද (21) මධ්‍යම රාත්‍රියේ සිට රුපියල් 5.00කින් වැඩිකිරීමට තීරණය කර...

ඉතිහාසයේ කිසි දා නොවූ පරිදි කොටස් වෙළෙඳ පොළ ඒකක 10,000 ආසන්නයට ම

කොළඹ  කොටස් වෙළෙඳ පොළ අද (21) දිනයේ ගනුදෙනු 36,143ක් සිදුකරමින් දෛනික පිරිවැටුම රුපියල් මිලියන 4,268ක් බවට පත්විය. සමස්ත කොටස් මිල දර්ශකය ඒකක...

මල්වත්තේ චීවරධාරියෙක් නීතියට උඩින් යද්දී, බෞද්ධ කටයුතු කොමසාරිස් සහ පොලිසියත් ශ්‍රේෂ්ඨාධිකරණය අපහාස කරලා

මල්වතු පාර්ශවයේ චීවරධාරියෙක් නීති සියතට ගනී. පොලිසිය නීතිය මඟහරයි. ‍ මහනුවර දිස්ත්‍රික්කයේ දවුලගල පොලිස් බල ප්‍රදේශයේ පිහිටා ඇති කැලියල්පිටිය...

ලෝකය ජයගත් “යොවුන් සිනමාකරු හසන්ත” මව් බිමට පා තබයි

තුර්කියේ පැවැති “සකර්යා” අන්තර්ජාතික කෙටි චිත්‍රපට උළෙලේ දී හොඳම ජාත්‍යන්තර කෙටි චිත්‍රපටයට හිමි සම්මානය දිනාගත් හසන්ත දිසානායක අද (20) ශ්‍රී ලංකාවට පැමිණියේය.

සහල් මිල යළි ඉහළ දමලා

 සහල් නිෂ්පාදකයන් විසින් මේ වනවිට කීරි සම්බා සහල් කිලෝවක් රුපියල් 40.00කින්  සහ සම්බා සහ නාඩු සහල් කිලෝවක් රුපියල් 15.00කින් යළි ඉහළ දමා...
Back
Free WhatsApp News
Free Viber News
Messenger
Email
error: Content is protected !!